Vaksinimi masiv, mjekja e familjes: Të pavaksinuarve u zgjat temperatura deri në 10 ditë! Të vaksinuarit e kalojnë COVID-in më lehtë

Në këtë valë të re COVID, numri i personave të infektuar që nuk janë vaksinuar është më i lartë se ai i të prekurve që janë vaksinuar. Mjekja e familjes Diana Hysi në Qendrën Shëndetësore nr.1 në Tiranë bën dallimin e rasteve të infektimit tek të vaksinuarit dhe jo të vaksinuarit.

“Personi i vaksinuar pavarësisht se infektohet, infektohet 70% më pak se i pavaksinuari. Personi i vaksinuar nëse infektohet pavarësisht se transmeton, ngarkesa virale e tij si rezultat i vaksinës fillon dhe pakësohet në shumë pak ditë, prandaj personi i vaksinuar e kalon sëmundjen në shumë pak ditë se sa një person i  cili është i pavaksinuar dhe e kanë marrë të dy rishtazi le të them”, tha Hysi.

Hysi tregon se të rinjtë që po infektohen po shfaqin temperaturë që u zgjatë 10 ditë.

“Persona të rinj edhe 20 vjeç, edhe studentë të cilët janë të pavaksinuar 10 ditë me temperaturë, i shkund, bëjnë një temperaturë rezistente pa prekje pulmonare që të mos frikësohen të dinë se çfarë po ndodhë ose gastrointerite por temperatura është më e zgjatur dhe rezistente sepse kjo shpjegohet edhe nga ana shkencore, një organizëm i ri reagon fortë. Ndërsa tek personat që kanë qenë më në moshë dhe të vaksinuar jo më shumë se 4-5 ditë”, tha Hysi

Për studentët është vendosur vaksinim i detyruar dhe kanë afat deri më 30 shtator. Por specialistja e ISHP, Gentiana Qirjako tha për Report Tv se studentët që kanë kaluar COVID në 3 muajt e fundit duhet të lejohen të futen në auditore edhe nëse nuk kanë bërë vaksinën.

Aktualisht në vendin tonë ka 12,848 raste aktive me COVID-19, prej të cilëve 204 po marrin trajtim në spitalin Infektiv dhe COVID 3. Shifrat e të vaksinuarve kanë shkuar mbi 1.6 milion.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 17/09/2021 23:12

    Tani ia ke keputur kot! Te vaksinuar ose jo,te rinj ose te moshuar,me semundje shoqeruese ose jo,cdo trup reagon ndryshe.Ka njerez qe Covidi i ze kaq rende sa mund te vdesin,kush eshte me fat mund te mbijetoje i intubuar.Ka te tjere qe e kalojne lehte,ose ka dhe asimptomatike.Mua me zuri para se te dilte vaksina.Temperatura (nese mund t'a quaj te tille,sepse nuk e kaloi 37),nuk me zgjati me shume se nje dite.Keshtu qe mos thua qe kur s'ke bere vaksinen ,temp.te shkund 10 dite.Pergjigjja e sakte do ishte,reagimi i organizmit ndryshon nga nje person te tjetri,por nuk ka garanci nese mund t'a kalosh lehte o rende.Beni vaksinen qe te risnin shanset qe t'a kaloni lehte.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Elbasan/ 68-vjeçari merret peng, dy persona e mbyllin në makinë dhe e kanosin për t’i marrë para

Elbasan/ 68-vjeçari merret peng, dy persona e mbyllin në makinë dhe e kanosin për t’i marrë para