Monitorimi ajror zbuloi mbi 2600 rrënjë kanabis! Report Tv siguron itinerarin, avioni ‘skanoi’ nga ajri në mëngjes, policia i asgjësoi në mesditë

Pak orë pas monitorimit ajror për parcelat me drogë policia agjësoi mijëra bimë kanabisi në Krujë dhe në Lezhë. “Report Tv” ka siguruar foton e zonës së monitoruar me avion në orët e para të ditës së sotme. E gjithë hapësira e bregdetit nga Laguna e Patokut deri në Velipojë, në një shtrirje të gjerë përqark zonave kodrinore të Lezhës, Shkodrës, Thumanës, Fushë Kuqes, Laçit, Milotit e më gjerë, është krehur nga ajri. Të dhënat e mbledhura i janë përcjellë më pas policisë për veprim në terren dhe vetëm pak orë më vonë, në Krujë dhe në Lezhë policia asgjësoi mijëra bimë narkotike.

Si rezultat i kontrolleve, pas pikasjes së parcelave që ishin kultivuar me kanabis në Fushë Thumanë, efektivët e policisë u drejtuan përmes operacionit “Territor i Pastër” dhe gjetën e arrestuan Vesel Xhaferrin dhe shpallën në kërkim djalin e tij. Parcela me kanabis sativa u gjet pranë banesave, ndërsa 140 bimët narkotike u dogjën, përveç disa mostrave që u mbajtën si provë materiale. Nga i njëjti kontroll me avion u zbuluan dhe më pas u asgjesuan nga forcat e policisë së Lezhës 2583 rrënjë kanabis sativa në fshatrat Skuraj, Fushë Kuqe dhe Gërnac të Kurbinit, një pjesë e të cilave në Kolsh të Lezhës.

Të njëjtat kontrolle të kryera me avion dhe me dronët e Policisë së Shtetut janë kryer edhe më herët në territore të tjera me objektiv zonat me risk të lartë në kultivimin e bimëve narkotike. Si rezultat i këtyre kontrolleve u gjetën 1030 bimë në Pult dhe Vjerdhë të qarkut të Shkodrës, të cilat u asgjësuan me djegie. Kjo periudhë e vitit tradicionaliasht është përdorur nga policia me ndihmën edhe të misionit italian të Guardia di Finanza, për të monitoruar nga toka dhe ajri zonat me kanabis sativa me qëllim luftimin e këtij fenomeni. Qarqet Durrës, Shkodër dhe Lezhë, bazuar në të dhënat e raportuara së fundmi nga Policia e Shtetit kanë pasur tentativën më të lartë të kultivimit të bimëve narkotike.

A.M./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

VIDEO/Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis