Morinë, 41-vjeçari nga Kosova tentoi të kalonte kufirin me dokumente të falsifikuara, arrestohet në flagrancë! Shpallet në kërkim një tjetër

Një 41-vjeçar është vënë në pranga nga policia e Kukësit pasi ka tentuar të kalojë kufirin me Kosovën me dokumente të falsifikuara.

Policia e Kukësit njofton se A. M., 41 vjeç, banues në Kosovë është arrestuar në flagrancë ndërkohë që është shpallur në kërkim një tjetër person, B. E, edhe ky banues në Kosovë.

"Si rezultat i kontrolleve të shtuara, bazuar dhe në analizën e riskut të bërë nga shërbimet e Policisë Kufitare, në hyrje të PKK Morinë, është kaluar për kontroll në vijën e dytë automjeti tip autobus, ku udhëtonte si pasagjer shtetasi A. M. Gjatë kontrollit në valixhen e shtetasit A. M. u gjetën dhe u sekuestruan në cilësinë e provës materiale disa dokumente të dyshuara të falsifikuara. Gjithashtu, u shpall në kërkim shtetasi B. E., i cili dyshohet të jetë i implikuar në këtë veprimtari kriminale. Vijon puna hetimore nën drejtimin e Prokurorisë së Rrethit Gjyqësor Kukës, me qellim zbardhjen e rrethanave të ngjarjes dhe identifikimin e personave të tjerë të përfshirë në këtë veprimtari kriminale", thuhet në njoftimin e policisë së Kukësit.

K.T./Shqiptarja.com

TAG:
• Kukes
• kosove
• morine
• policia e kukesit