Moti i keq përfshin vendin/ Përmbytje gjatë natës dhe pemë të rrëzuara në Tiranë e Shkodër, dëmtohen disa makina! Rrëshqitje dherash në Kukës

Reshjet e shiut kanë shkaktuar një sërë problemesh e kryesisht në infrastrukturën rrugore. Shtabi i emergjencave civile në prefekture deklaroi se problematike paraqiten akset rrugore që lidhin Kukësin me Shishtavecin ,Peshkopinë por edhe aksin Bajram Curri-Valbonë. Energjia elektrike ka pasur probleme dhe është ndërprere pas mesnate në fshatrat e njësive Kolsh e Surroj te Kukësit. 

Në bashkinë e Gjirokastrës pas reshjeve të shiut situata paraqitet pjesërisht e qete dhe pa probleme. Sipas burimeve te Report TV në aksin rrugor Kolonjë-Golem ka pasur prurje nga përrenjtë malorë dhe rruga kalohet me vështirësi në disa vende.

Moti i keq ka shkaktuar probleme dhe vonesa edhe me nisjen dhe mbërritjen e trageteve në portin e Durrësit. Probleme të shumta ka sjelle era e fortë dhe shirat e vazhdueshëm , si pasoje dy tragetet e linjës Durrës - Bari janë nisur me 10 orë vonesë. Ata u nisën gjatë orëve të para të mëngjesit të sotëm dhe pritet të mbërrijnë në Bari në mesditë. Gjithashtu 2 tragete që janë nisur gjatë mbrëmjes së djeshme  nga Bari mësohet se  të dy kanë mbërritur në portin e Durrësit. Ndërkohe moti vazhdon te jetë i pa qëndrueshëm ,deti vazhdon të ketë dallge të forta,dhe për pasojë anijet e tonazhit të vogël dh peshkarexhat janë të bllokuara.

VIDEO nga Porti i Durrësit

Tirana është përfshirë gjatë orëve të natës nga reshje tepër të dendura të shiut dhe një stuhi e fortë ere, e cila ka shkaktuar jo pak dëme duke rrëzuar disa pemë në rrugët dhe sheshet kryesore të kryeqytetit, ndërsa punonjësit e bashkisë janë në terren duke punuar për rikuperimin e dëmeve dhe në ndihmë të qytetarëve.

Sikurse shihni edhe nga këto foto, punonjësit e Bashkisë kanë punuar gjatë gjithë orëve të mbrëmjes dhe në mëngjes për të normalizuar situatën dhe për të eliminuar rrezikun për qytetarët.

Era ka qenë aq e fortë sa ka rrëzuar edhe pemë disavjeçare në disa rrugë të kryeqytetit.

Gjatë orëve të natës, Tirana u përfshi nga shirat e dendura dhe stuhi të forta të ere duke shkaktuar përmbytje të disa akseve rrugore. Në video shihen rrugët e përmbytura nga uji, por kjo situatë ka zgjatur pak orë gjatë natës, pasi mëngjesin e sotëm situata është kthyer në normalitet dhe rrugët janë të  lira  nga 'pushteti' i ujit.

Moti i keq me rrebeshe shiu dhe erëra të forta ka shkaktuar probleme në disa akse rrugore në Shkodër kjo për shkak të thyerjes së disa pemëve. Për pasojë janë dëmtuar disa automjete që kanë qenë të parkuara.

Që prej orës 6 të mëngjesit Ndërmarrja e ujësjellës kanalizime në Shkodër kanë zbritur në terren për ndërhyrje në pikat më problematike ndërkohë që 4 fadroma janë duke punuar dhe menaxhuar situatën që të mos ketë bllokime të rrugëve nga uji.