'Më duhen 200 mijë euro!' Artan Hoxha: Si u mbyll dosja dhe u asgjësuan përgjimet menjëherë pasi Meta erdhi në pushtet (VIDEO)

Gazetari investigativ Artan Hoxha ka shpjeguar në emisionin "Repolitix" në Report Tv, pëgjimet në dosjen 978 kundër Kastriot Ismailajt, të nisura në vitin 2008, në të cilat ka dalë edhe përfshirja e Presidentit Ilir Meta, në atë kohë, në opozitë, kryetar i Lëvizjes Socialiste për Integrim.

Një njeri me imunitet siç ishte Ilir Meta, nuk lejohej të përgjohej, dhe oficeri i Policisë Gjyqësore në dosjen e Prokurorisë, thotë se nga përgjimet për biznesmenin Ismailaj nën akuzë për pastrim parash në vlera 7-8 milionë dollarë, ka dalë i përfshirë edhe një person i ekspozuar politikisht. Numri që ka dalë në përgjimet ndaj Kastriot Ismailajt, në atë kohë ishte në përdorim nga Ilir Meta, (0682031701) ndërsa aktualisht nuk përdoret më prej tij, pasi Presidenti ka ndërruar numër.


Përgjimi mban datën 22 qershor 2009, dy ditë para zgjedhjeve. Sipas përgjimeve, të cilat edhe pse janë asgjësuar, disponohen nga gazetari Hoxha, Kastriot Ismailaj ishte kontaktuar nga Ilir Meta, i cili i kishte kërkuar 200 mijë euro. "Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro", thuhet në mesazhin dërguar nga numri i Ilir Metës drejt Kastriot Ismailajt.

Sipas gazetarit investigativ, bëhet fjalë për një dosje me 8 mijë faqe të transkiptuara, ku pikërisht nga kjo dosje e madhe ka dalë edhe në biseda të tjera, përfshirja e Ilir Metës, jo vetëm me mesazhe por edhe me biseda telefonike.

Dosja në fjalë, u pushua në vitin 2010 dhe u rihap pas 5 vitesh, në 2015-ën, dhe të gjitha përgjimet e traskiptuara dhe disqet janë asgjësuar me një vendim gjykate në 27 dhjetor 2010. Me rihapjen e dosjes, përgjimet ku përfshihej edhe Meta nuk u morën në konsideratë si prova për shkak të vendimit për asgjësimin e tyre.

Ajo që bie në sy, është fakti se dosja është pushuar menjëherë pas ardhjes në pushtet të Ilir Metës, që në atë kohë bëri aleancë me Partinë Demokratike pas zgjedhjeve, me kryeministër Sali Berishën.

"Pas zgjedhjeve të qershorit 2009 situata ndryshoi, Meta hyri në koalicion me PD, dhe çuditërisht hetimet ndalojnë. Dosja është pushuar më 27 dhjetor 2010", tha Artan Hoxha i ftuar në "Repolitix".

Në vendimin e pushimit, - tregon gazetari Hoxha, sërish përdoret një shprehje nga prokurori Gentian Osmani që fakton përfshirjen e Ilir Metës në këtë çështje, edhe pse jo drejtpërdrejt me emër: "Nga procesverbalet e transkiptimeve midis shtetases amerikane dhe biznesmenit del në pah gjendja ekonomike, nga njëra anë nuk ka lekë për të paguar një biletë avioni nga njëra anë flitet për transferta në vlera të mëdha. Ata kanë punuar së bashku dhe kanë lidhje shoqërore në rangje të larta politike në vend dhe në rajonin e Ballkanit".

Edhe pse hetimet janë rihapur për këtë dosje në vitin 2015, provat nuk mund të përdoreshin më, pasi përgjimet ishin asgjësuar.

"Nga gjithë dosja e përgjigjeve kur është bërë pushimi në 2010, ka dalë një vendim ku është kërkuar të bëhet asgjësimi i transkipteve se çështja ishte pushuar. Ky fakt ka bërë që kjo pjesë e transkipteve të asgjësohen. Kur është rihapur çështja në 2015, ato prova nuk ekzistonin më. Kur i kemi publikuar në 2016 tek Zëri i Amerikës, na është thënë që është e vërtetë që ka ndodhur, përgjimi është i vërtetë, por nuk mund të përdoret më si provë, pasi përgjimet janë asgjësuar", - tha gazetari Artan Hoxha.

Gazetari Hoxha tha se edhe pas përfshirjes së një personi me imunitet, përgjimi ka vazhduar, por kjo çështje nuk shkoi në gjykim.

Objekti i hetimit të dosjes kanë qenë tranferta të mëdha në vlera 7-8 milionë dollarë, me dyshimin që po vinin nga Afrika në Shqipëri për tu pastruar, përmes Kastriot Ismailaj ish-administratori i DIA (që ndodhet në burg, i dënuar në lidhje me skandalin CEZ-DIA), në bashkëpunim me një shtetase amerikane, Rebeca Gaskin Gain.

Pasi dosja u pushua, Kastriol Ismailaj i kërkonte Shqipërisë 130 milionë euro, por dënimi i tij me 11 vite burg, e shpëtoi Shqipërinë nga humbja në arbitrazh.

"Kur ishte në hetim dhe u arrestua ndaj tij në atë kohë ka pasur disa herë lajme të cilat referoheshin që politikanë të rëndësishëm, deputetë, edhe të Komisionit të Sigurisë, kishin hyrë në burg dhe e kishin takuar këtë person dhe i kanë kërkuar të mos flasë. Kur ka kuptuar që do dënohet ka kërkuar të flasë, por trupi gjykues nuk e ka lejuar më se kishte kaluar afati për të folur. Gruaja e tij e larguar nga Shqipëria për shkak të kërcënimeve me gjithë fëmijën, ka dhënë intervistë në Vjenë. Ka një dëshmi të drejtorit të administrativ të kompanisë DIA, Ervis Mata, që edhe ai u largua edhe pse ishte në mbrojtje nga RENEA, nuk dihet se ku është dhe në çfarë rrethanash iku. Ai ka bërë një lidhje tjetër, mes mesazheve që kemi kapur", tha Artan Hoxha.

Për hetimin e nisur për pastrim parash në vitin 2008, që u pushua në 2010 dhe më tej u hap sërish në 2015, Kastriot Ismailaj, është dënuar me 11 vjet burg. "Hetimi ka nisur për pastrim parash, kur nuk donin ata lart, çështja pushohej, kur donin, ky burri është në burg 11 vjet, dhe gruaja me fëmijët është jashtë Shqipërisë, i kanë bllokuar edhe pensionin e nënës së tij", u shpreh gazetari investigativ Artan Hoxha.

Rendit zhvillimet sipas orarit:
Ora 22:16
Artan Hoxha: Karteli i drogës në dosjen 339, mund të 'blinte' opozitë e mazhorancë bashkë

Gazetari Investigativ, Artan Hoxha është ndalur të flasë për dosjen 339/1 ku është i përfshirë kryebashkiaku Vangjush Dako. Hoxha ka deklaruar se kjo dosje është më e rëndësishme se situata politike, pasi nga këto përgjime janë zbuluar karteli i drogës, i përbërë nga 5 grupe kriminale që ndërvepronin me njëra-tjetrën në 3 kontinente të ndryshme, në 16 shtete. Ai tha se është më e rëndësishme, pasi ky kartel kishte mundësinë, jo vetëm për të blerë një palë zgjedhje, por opozitë dhe mazhorancë bashkë.

"Nga dosja 339 janë evidentuar 5 grupe kriminale që ndërveprojnë me njëri-tjetrit. Anëtarët përveç Shqipëri, trafikon kokainë dhe Heroinë, në Turqi, MB, Kosovë, Holanda. Hetimi ka nisur për një organizatë kriminale. Kishin nuancat e një karteli droge, në Azi, Europë dhe Amerikën Latine që veprimin në 16 shtete të ndryshme. Nuk janë transkriptuar të gjitha bisedat që janë brenda, se shumica prej tyre janë kot. 339 po vazhdon si hetim, por me ritme shumë të ngadalta. Me kaq para sa fitonte ky kartel droge, mund të blejnë mazhorancë dhe opozitë bashkë", u shpreh Artan Hoxha.

G.M./Shqiptarja.com
Komento

Komente

  • Hektore: 23/05/2019 13:04

    Ky i di te gjitha ky ....

    Përgjigju
  • Vali: 23/05/2019 10:23

    Pse nuk fole atehere ti tani po flet tani kur nuk hyn ma ne pun vari lesht je dhe ti

    Përgjigju
  • Karteli: 22/05/2019 23:53

    Kishte mundesine thote, po e ka blere o plak sa kohe Gjushi u zgjodh Kryetar Bashkie. E, hidhu njehere tek ato pergjimet e vllaut te tavanit mos dale ndonje gje, me qafsh

    Përgjigju
  • Berti: 22/05/2019 23:29

    Nese do te behet drejtesia si thone keto 7 milione euro nuk jane asgje ne krahasim qe Meta dhe Monika kane qarkulluar, kane aksione dhe vazhdojne aktivitetin kriminal te pastrimit te parave nerpermjet nje konsulli nderi shqiptar te nje shteti te vogel. Hiqet si biznesmen por qe aktiviteti i tij ka qene trafiku i femijeve dhe aktualisht eshte trafiku i droges nder kontinental.

    Përgjigju
  • Rovi Lalla: 22/05/2019 21:45

    Sa e bukur kjo mbyllja e dosjeve per te tilla ceshtje! Kush e di se kush i myllte kto dosje asokohe!

    Përgjigju
    • Tomori: 23/05/2019 03:47

      faleminderit zoti Artan Hoxha per shkrimin dhe denancimin qe i beni nje personi qe esht i mbytur deri ne gryk me abuzime, vjedhje ekoorupsjon aktiv. Qenja ne detyra te rendesishme te pushtetit i ka dhen mundesi ketij qe te abuzoi dhe te marri para , ero, dollar nga trafikante e hajdute te tjer qe kan dashur te perfitojne nga koncesjonet, tenderat, dhe priviligje te tjera qe u kanne sjell perfitime te medha nga pasuria kombetare. PAMFLETI, , ILIR METES dhe GRUas te tij i numuron nje mori, raste koooruptive me shume te medha,. Mezi presim SPAKUN dhe BKH. ta hetojne korupsjonin e ketij qe ka vene pasuri maramendase me karrigen e pushtetit.