Napoli nderon me goleadë Maradonën, Tottenham e Sociedad komandojnë në Angli e Spanjë (VIDEO-Golat)

Napoli bën poker golash për të nderuar Maradonën. Në atë që shumë shpejt do të quhet stadiumi “ Diego Armando Maradona” napoletanët mposhtën pastër 4-0 Romën dhe e parakalojnë në renditje në kuotën e 17 pikëve.

Lorenzo Insigne shënon një super gol nga goditja e dënimit dhe ia dedikon legjendës argjentinase. Napoli ishte shumë i fortë mbrëmjen e djeshme ndërsa Roma një ekip i shëmtuar që pësoi humbje pas 5 fitoreve radhazi mes kampionatit dhe kupave. Djemtë e teknikut Gattusso “shpërthyen” në pjesën e dytë edhe me tre gola të tjerë që mbajnë firmën e Fabian Ruiz, Dries Mertens dhe Politano që shënoi një gol alla Maradona. Milani mban kryesimin e Serisë A me 23 pikë.

Premier Leaguen e kryeson Tottenham në kuotën e 21 pikëve pas 10 javëve të para. Dje derbi i Londrës Chelsea-Tottenham u mbyll në barazim pa gola me skuadrat që patën raste shënimi por nuk konkretizuan. Arsenali u mund në shtëpi 2-1 nga Wolves.

Surprizë është edhe skuadra që vijon të kryesojë La Ligan në Spanjë. Vendin e parë me 24 pikë por me dy ndeshje më shumë se Atletico e mban Real Sociedad. Sociedad dje nuk shkoi më shumë se barazimi 1-1 ndaj Villarreal. Moreno dhe Oyarzbal me penallti ishin autorët e golave./ Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen