Ndërron jetë aktorja e James Bond Goldfinger, Honor Blackman

Ndërron jetë aktorja e James Bond Goldfinger, Honor Blackman

Honor Blackman, aktorja britanike që luajti Pussy Galore në filmin James Bond Goldfinger, ka ndërruar jetë në moshën 94-vjeçare. Familja e saj përmes një deklarate për shtyp tha se ajo vdiq paqësisht në shtëpinë e saj në Lewes, East Sussex për shkaqe natyrore.

Blackman po ashtu ishte e njohur për interpretimin e saj në Cathy Gale në serialin televiziv të viteve 1960 The Avengers me Patrick Macnee. Rolet e saj të tjera përfshinin Hera në Jason dhe Argonauts dhe Laura West në serialin televiziv të viteve 1990 The Hand Upper.

Në deklaratën e dhënë nga familja e Blackman thuhej se: "Përveçse një nënë dhe gjyshe e shkëlqyer, Honor ishte një aktore me një talent të jashtëzakonshëm krijues. Me një kombinim të jashtëzakonshëm të bukurisë, trurit dhe aftësisë fizike, së bashku me zërin e saj unik dhe një etikë të përkushtuar në punë, ajo arriti të krijonte një figurë të pashembullt në botën e filmit dhe argëtimit. Me përkushtimin absolut në punë dhe profesionalizëm të plotë ajo dha kontributin e saj në disa nga filmat dhe prodhimet e mëdha teatrore të kohërave tona”.

“Ne ju kërkojmë që të respektoni privatësinë e familjes sonë në këtë kohë të vështirë", shprehet ndër të tjera familja e Blackman.

Komediani dhe njëkohësisht tifozi i filmave të James Bond, David Walliams tha që Blackman do të "jetonte përgjithmonë" si Pussy Galore.

Regjisori Edgar Wright, ndërkohë, e kujtoi atë si "vajza e fundit e Bondit dhe Avenger origjinal".

1/2
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet