Ndryshimet/Për herë të parë Gjykatat e Apelit do gjykojnë dosjet me një gjyqtar, lista e çështjeve nga ekstradimet tek kërkesat për rivendosje në afat

Ndryshimet/Për herë të parë Gjykatat e Apelit do gjykojnë dosjet me një gjyqtar, lista e çështjeve nga ekstradimet tek kërkesat për rivendosje në afat

Kryefjala e ndryshimeve në 8 ligjet bazë të reformës në drejtësi është përshpejtimi i shqyrtimit të dosjeve në gjykatat e apelit, Gjykatën e Lartë dhe Gjykatën Kushtetuese. Për herë të parë, parashikohet që Gjykatat e Apelit do të gjykojnë jo me tre, por një gjyqtar ekstradimet, kërkesat e palëve gjatë hetimeve paraprake, ankesat ndaj vendimit të prokurorëve për pushimin e çështjeve, kërkesa e prokurorit për pushimin e akuzës ose çështjes për krimet, kërkesën e prokurorit për dërgimin e çështjes në gjyq, kërkesën e prokurorit për miratimin e urdhrit penal, kërkesat që lidhen me ekzekutimin e vendimeve penale, kërkesat për rivendosje në afat si dhe çdo kërkesë tjetër të përcaktuar në Kodin e Procedurës Penale.

Për këtë qëllim është parashikuar ndryshimi i pikës 4 të nenit 14 të Kodit të Procedurës Penale, duke ulur nga tre në një gjyqtar trupin gjykues për shqyrtimin e këtyre dosjeve. Ky ndryshim pritet të lehtësojë dhe përshpejtojë punën në Gjykatat e Apelit, duke ulur edhe ngarkesën e dosjeve. Në relacionin shpjegues të projektligjit të propozuar nga deputeti Ulsi Manja thuhet se veprimi i ligjit të Vetingut ka krijuar vakanca në sistem, duke rritur ngarkesën e punës së gjykatave, ndaj është menduar shqyrtimi i disa çështjeve me një gjyqtar në Apel.

E njëjta logjikë është ndjekur edhe në Gjykatën e Lartë ku disa çështjet që aktualisht shqyrtohen me trupa gjykuese me 5 gjyqtarë, do të gjykohen me nga tre gjyqtarë. Gjithashtu, deri në fund të vitit 2023, është ulur kuorumi në Gjykatën Kushtetuese për shqyrtimin e dosjeve në seancë plenare nga 6 gjyqtarë që është numri minimal aktualisht, në 5 anëtarë. Kjo ndërhyrje në reformë pritet të sjellë një efekt pozitiv zinxhir në të gjitha shkallët e gjyqësorit, në përshpejtimin e dhënies së drejtësisë.

Propozimi për gjykimin e dosjesve me një gjyqtar në Apel 

Kodi i Procedurës Penale në fuqi që do ndryshojë, gjykimet 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Petro Koçi zbulon pse abstenoi për ngritjen e Komisionit parlamentar për sistemin TIMS

Petro Koçi zbulon pse abstenoi për ngritjen e Komisionit parlamentar për sistemin TIMS