Ndryshojnë sërish çmimet, ulet nafta me 5 lekë, nga sot do shitet me 209 lekë/litër! Benzina 187 lekë/litri! Gazi nuk ndryshon

Ndryshojnë sërish çmimet, ulet nafta me 5 lekë, nga sot do shitet me 209 lekë/litër! Benzina 187 lekë/litri! Gazi nuk ndryshon

Foto ilustruese

Ulet me 5 lekë çmimi i naftës dhe 8 lekë i benzinës. Bordi i Transparencës ka përcaktuar çmimet e reja dhe nga sot, nafta do të tregtohet me 209 lekë/litri nga 214 që ishte më parë. Ndërsa benzina do të shitet me 187 lekë/litri nga 195 lekë/litri që ishte. Çmimi i gazit nuk ndryshon.

“Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 187 lekë/litri, ndërsa i shitjes me shumicë jo më shumë se 175 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.

Çmimi i gazoilit për peshkim është vendosur 116 lekë/litër”, thuhet në njoftim.

Çmimet e caktuara nga Bordi do të hynë në fuqi në datë 3 Dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.

Çmimet e reja

                  Ishte                  Bëhet 
Nafta         214 lekë/litër     209 lekë/litër
Benzina    195 lekë/litër    187 lekë/litër
Gazi          71 lekë/litër (Nuk ndryshon)

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se duhet të ngrihet komisioni hetimor për çështjen McGonigal?



×

Lajmi i fundit

Qëllohet me plumb në kokë anëtari i grupit Wanger që ideoi simbolin 'Z'

Qëllohet me plumb në kokë anëtari i grupit Wanger që ideoi simbolin 'Z'