Në 6 ditë, mbi 9500 maturantë të regjistruar në universitete! Te Arkitektura dhe Mjekësia ‘mbyllen dyert’, s'ka më kuota! Zero student te ‘rusishtja’

Mbi 9500 maturantë janë regjistruar deri më tani në 39 universitetet publike e private në Shqipëri. Në përfundim të fazës së tretë të regjistrimeve arkitektura dhe mjekësia kanë ezauruar të gjitha kuotat, ndërsa në degën e rusishtes nuk është regjistruar asnjë maturant.

Arkitektura dhe Mjekësia janë të parat programe studimi që kanë ezauruar të gjitha kuotatqënë fazën e par të regjistrimit. Ndryshe paraqitet situata me gjuhën ruse, dega e vetme pa asnjë të regjistruar, e që rrezikon mbylljen vitin e ardhshëm.

“Arkitektura është mbyllur, janë ezzuruar 100% kuotat. Ecuria mund të themi është shumë e mirë. Brenda 6 ditëve kemi gati 45% të regjistrimeve. Ka degë të veçanta që pothuajse po arrijnë në limite. Mund të themi që mjekësia është ezauruar po ashtu, ka vetëm 1 kuotë që pritet të regjistrohet deri në fund të ditës. Ka një ecuri të mirë gjithashtu edhe në universitete specifike si universiteti i sporteve , arteve, bujqësorit. Gjithashtu kemi tek infermieria në rang kombëtar gati 12% të regjistrimeve dhe shkencat sportive me rreth 10% të aplikimeve”, thotë kreu i rrjetit akademik shqiptar Arjan Xhelaj

LEXO EDHE:
Universiteti Bujqësor i Tiranës lidh marrëveshje me BOKU-n e Vjenës/ Rektori: Ja çfarë do të përfitojnë studentët tanë dhe arsimi i lartë

Ai tregon se për 6 ditë janë aritur mbi 9500 rregjistrime në universitete, duke iu afruar kështu gjysmës së numrit të maturantëve që kanë aplikuar në portalin u-Albania. Në Tiranë programi ku janë regjistruar më shumë maturant është informatika me 58% të kuotave dhe në vend të dytë renditet informatika ekonomike me 50% .

“Në fazën e parë ne patëm 5400 regjistrimeve që ishte ai grupi i maturantëve ekselentë që ishte pothuajse kishin fituar shumicën e programeve që kishin aplikuar.”

5600 maturant në të gjithë vendin nuk kanë fituar asnjë program studimi në asnjë nga 39 universitetet publike e private që ndodhen në Shqipëri. Raundi i parë i regjistrimeve përfundon më 15 shtator, ndërsa pas tij do të jenë edhe 2 raunde të tjera në dispozicion të maturantëve.

K.T./SI.E./Shqiptarja.com

TAG:
• Arjan Xhelaj
• Arsimi i larte
• universitetet