Në Itali regjistrohen 17 viktima! Më shumë se 13 milionë raste Covid në botë… Në Brazil 260 mijë infeksione të reja në vetëm një javë

Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 17 viktima nga koronavirusi, për një total prej 34.984 që nga fillimi i emergjencës shëndetësore.

Sot numri i të shëruarve në Itali ishte 335 ndërsa numri i përgjithshëm i tyre ka shkuar në 195 441.

Autoritetet e shëndetësisë raportuan gjithashtu se sot u regjistruan edhe 114 raste të reja pozitiv për një total prej 243.344

Në Bullgari pandemia e shkaktuar nga Covid-19 vazhdon të përhapet me ritme të shpejta.

Sipas autoriteteve shëndetësore, në 24 orët e fundit në vend janë identifikuar pozitiv me Covid 159 raste të reja.

Që prej fillimit të pandemisë totali i infeksioneve në Bullgari është rritur në 7411 raste.

Meksika ka konfirmuar më shumë se 4600 raste të reja Covid-19, duke e çuar numrin e përgjithshëm të infeksioneve në vend në mbi 304.000.

Ministria e Shëndetit ka raportuar gjithashtu për 485 vdekje të reja, duke sjellë numrin e viktimave të koronavirusit në 35 491.

Në 24 orët e fundit, Brazili ka regjistruar më shumë se 20.000 infeksione të reja Covid dhe 733 vdekje nga pandemia.

Me këto të dhëna, numri i përgjithshëm i rasteve të konfirmuara Covid-19 në vend arriti në 1.884.967 të infektuar dhe 72.833 vdekje që nga fillimi i pandemisë.

Në vetëm një javë Brazili ka raportuar më shumë se 260 mijë raste të reja të prekurish nga infeksioni

Brazili konfirmohet si vendi i parë në Amerikën Latine dhe i dyti në botë, pas Shteteve të Bashkuara, për numrin e rasteve dhe viktimave të koronavirusit.

Në SHBA në 24 orët e fundit u regjistruan 59.222 raste të reja të koronavirusit.

Kështu, numri i përgjithshëm i infeksioneve është rritur në 3.36 milion.

Sipas autoriteteve shëndetësore, totali i viktimave që prej fillimit të pandemisë është rritur më shumë se 135 500, nga të cilat 411 u raportuan ditën e fundit.

Eksperti kryesor amerikan i sëmundjeve infective, Dr. Anthony Fauci tha se shtimi i ritmeve të përhapjes së koronavirusit ditët e fundit në SHBA është rezultat i faktit se Shtetet e Bashkuara nuk e mbyllën plotësisht aktivitetin për të ndalur avancimin e sëmundjes.

“Nuk realizuam një mbyllje të plotë dhe për këtë arsye shohim rritje,” tha të hënën drejtori i Institutit të Sëmundjeve Infektive dhe Alergjike në një intervistë me Fakultetin e Mjekësisë së Universitetit Stanford.

"Ritmet kishin filluar të binin, realizuam një sheshim të kurbës me shifra gjithsesi shumë të larta prej rreth 20 mijë infektimesh të reja në ditë. Pastaj filloi rihapja dhe tani po shohim shtim të rasteve, në Kaliforni, në Arizona, në Teksas e Florida si dhe shtete të tjera,” tha Dr. Fauci.

Eksperti u shpreh gjithashtu me “optimizëm të matur” se brenda vitit do të ketë të paktën një vaksinë kundër koronavirusit.

Peruja ka regjistruar që nga fillimi i pandemisë Covid më shumë se 330 mijë raste infeksioni dhe mbi 12 mijë viktima

Me këto shifra ajo renditet e dyta, pas Brazilit përsa I përket rasteve të identifikuar pozitiv Covid 

Ministria e Shëndetit peruan raportoi për 3,797 raste të reja dhe 184 vdekje në 24 orët e kaluara.