Berisha vjen me propozimin e çuditshëm: T'i detyrojmë shqiptarët të votojnë! Nga debati në Belgjikë te Koreja e Veriut, ja cilat vende e kanë votimin e detyrueshëm

Berisha vjen me propozimin e çuditshëm: T'i detyrojmë shqiptarët të votojnë! Nga debati në Belgjikë te Koreja e Veriut, ja cilat vende e kanë votimin e detyrueshëm

Sali Berisha

Në komunikimin e kësaj jave me simpatizantë që i bëjnë pyetje në facebook, ish-Kryeministri Sali Berisha i kishte edhe disa ide që nuk i kishte shprehur më parë. Në mënyrë të beftë Berisha tha se për të luftuar fenomenin e shitblerjes së votës ai do të kërkojë që vota në Shqipëri të bëhet e detyrueshme dhe qytetarët të mos lejohen të rrinë në shtëpi ditën e zgjedhjeve.

 “Ne do kërkojmë të vendoset me ligj votimi i detyruar. Kjo do të shmangë qëndrimin në shtëpi të atyre që nuk vijnë për të votuar. Një nga mekanizmat që përdor Rama dhe që përdoret nga klikat, është ekzekutimi i votës pa u hedhur në kuti. Detyrimi për të marrë pjesë në votim është një detyrim pozitiv për të ushtruar një të drejtë themelore. Vendet që kanë pasur problem me blerjen e votës e kanë vendosur këtë ligj dhe ky ligj ka pasur sukses në eliminimin e këtij fenomeni,” tha Berisha.

Sali Berisha ka paralajmëruar kryeministrin Edi Rama që të mos prekë votat në zgjedhjet vendore të majit. Ai ka ‘kërcënuar’ Ramën duke i thënë se  “prite cunamin nëse bën cunam”

“Nuk dua të kem asnjë iluzion se Rama, siç e paralajmëroi në Peshkopi, e ka ndërmend të bëjë cunam. Do i them prite cunamin nëse bën cunam, të jetë i bindur se kurrë nuk do ta gëzojë”, u shpreh ndër të tjera Berisha.

Kjo është hera e dytë që nga Selia blu bëhet një propozim i tillë, kur para pak vitesh ka qenë Edmond Spaho, në cilësinë e nënkryetarit të PD që e ka bërë këtë propozim pas zgjedhjeve të përgjithshme të vitit 2017, mbase i ndikuar edhe nga pjesëmarrja e ulët.

Por sa vende në të vërtetë e kanë ‘votimin e detyrueshëm’ dhe cilat janë ato. Në glob nuk janë më shumë se një dyzinë vendesh që e aplikojnë votimin e detyrueshëm. Në shumicën prej tyre zbatimi është shumë i vështirë dhe shumica e sanksioneve nuk zbatohen. Sanksionet që ekzistojnë ndaj këtij detyrimi janë të ndryshme, si gjobë në vlerë monetare, heqja përfundimtare nga listat e votuesve, heqja e mundësisë për të përdorur disa shërbime publike etj.

Sa i përket demokracive perëndimore aktualisht janë vetëm vende si Belgjika, Luksemburgu, Lihtenshtajni dhe Australia, vende në të cilat ka një debat të madh nëse duhet apo jo. Megjithatë mosparaqitja e qytetarëve në votim dënohet me gjoba, përgjithësisht me vlera të vogla, ndërkohë që ata kanë arsye dhe e justifikojnë pamundësinë për të votuar nuk janë subjekt i gjobave.

Të gjitha vendet e tjera janë vende kryesisht të Amerikës Latine por edhe të Afrikës dhe Azizë. Ndërkohë që një nga shtetet që e ka votën e detyrueshme është edhe Koreja e Veriut e Kim Jong Un.

Sa i përket Shqipërisë, edhe gjatë periudhës së komunizmit, regjimi hoxhist propagandonte pjesëmarrja në votime ishte e lirë. Megjithatë sigurisht pjesëmarrja ishte mbi 99% për shkak se  cilido që nuk merrte pjesë në zgjedhje kishte pasoja të mëpasshme.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sali: 27/11/2022 04:17

    Do vijm te votojm per ju o te poshter o te pa ngopur qe na e keni rrjepur shqiperin

    Përgjigju
  • rocka: 26/11/2022 16:16

    duhet te behet edhe nje ligj qe te gjithe te dalin ne proteste po tha salihi

    Përgjigju
  • Poni: 26/11/2022 14:55

    Nje gje eshte e sigurte ,po te me detyrojne te votoj,do te votoj,per ate parti me te re dhe qe kryetari i saj te kete lindur me 1990,per keta plehrat e staxhionuara kurre ne kete dhe ate jete

    Përgjigju
  • Kola: 26/11/2022 14:32

    U ringjadh perseri ENVER HOXHA me votime te detyrueshme!

    Përgjigju
    • i pandehuri Berisha: 27/11/2022 05:20

      Plotesisht dakort me ty Kole. Vetem nje sekretar i partise se punes mund te bente nje propozim te tille. Dhe rezultatet e votimit do te jene 99,99%.....

  • Gidi: 26/11/2022 14:29

    Boje si trush o karaMULLAH Ty te urren nji komb I ter

    Përgjigju
  • Sondazhi i ditës:

    Dosja e zyrtarit të FBI, kush ka të drejtë në akuzat politike në Tiranë?



×

Lajmi i fundit

Aguero i përgjigjet ashpër Ibrahimovic-it:  Pse flet për sjellje të keqe? Për këtë të larguan nga Barça

Aguero i përgjigjet ashpër Ibrahimovic-it:  Pse flet për sjellje të keqe? Për këtë të larguan nga Barça