Neni për pasurimin e paligjshëm, deputetët shpërfillin propozimin e kryeprokurorit Çela, shmanget diskutimi për ndryshimin e Kodit Penal

Anëtarët e Kuvendit nuk e kanë mirëpritur propozimin e Prokurorit të Përgjithshëm Olsian Çela, për miratimin e një neni të ri në Kodin Penal, me emërimin "Pasurimi i paligjshëm”, me qëllim për të goditur korrupsionin në radhët e zyrtarëve dhe ish-zyrtarëve publikë. Deputetët kanë mbajtur një qëndrim shpërfillës ndaj propozimit sfidues, i cili do t’i mundësonte prokurorive të juridiksionit të zakonshëm dhe SPAK-ut të goditin pushtetarët, të cilët nuk justifikojnë pasuritë me të ardhurat e ligjshme. Heshtja e ligjvënësve vjen në një kohë kur Shtetet e Bashkuara të Amerikës i kanë shpallur luftë korrupsionit në Shqipëri përmes një zgjerimit të listës së zezë, një memorandumi dhe urdhrit ekzekutim të presidentit Joe Biden për konfiskimit e pasurive të pushtetarëve të korruptuar.

Në raportin për veprimtarinë vjetore të prokurorisë për vitin 2020, depozituar në Kuvend në 30 prill 2021, kryeprokurori Çela propozonte ndryshimin e Kodit Penal, për të shutuar një nen të ri për pasurimin e paligjshëm, bazuar në Konventën e OKB-së Kundër Korrupsionit. Në 1 qershor 2021, Komisioni i Ligjeve mori një shqyrtim raportin, duke anashkaluar çdo diskutim mbi propozimin. Katër ditë më pas, në 4 qershor 2021, Komisioni i Ligjeve ka hartuar një rezolutë për vlerësimin e punës së prokurorisë si dhe për prioritet ku duhet të fokusohet gjatë vitit 2021. Në dokument, Kuvendi cakton 13 detyra për prokurorinë e juridiksionit të përgjithshëm për vitin 2021, por nuk thuhet asgjë për kërkesën e prokurorisë për miratimin e nenit të pasurimit të paligjshëm.

Ditën e sotme, Prokurori i Përgjithshëm Olsian Çela raportoi në Parlament për gjendjen e kriminalitetit në vitin 2020, duke paraqitur pika kryesore të raportit, statistika, sfida dhe kërkesa për mbështetje financiare, ndërsa u pati asnjë diskutim për propozimin për miratimin e nenit për pasurimin e paligjshëm. Prej disa muajsh Ministria e Drejtësisë po punon për hartimin e një Kodi të ri Penal, në bashkëpunim me aktorë vendas dhe partnerët ndërkombëtarë. Mbetet për t’u parë nëse propozimi për nenin e ri do të reflektohet në draftin që do të shkojë në Kuvend.

Propozimi i kryeprokurorit Olsion Çela për shtimin e nenit për pasurimin e paligjshëm

 

Konventa e OKB për luftën kundër korrupsionit

(Kliko këtu për Rezolutën për vlerësimin e veprimtarisë së prokurorisë)

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ligji: 15/06/2021 06:43

    Mbase nuk kane qene dakord Shameti dhe Manja. Se keta i dine keto punet me ligjet dhe kodin penal.

    Përgjigju
  • Iris: 15/06/2021 00:31

    Heshtja e tyre flet vete,vlen sa nje mije fjale.Por kryeprokurori duhet te jete me kerkues ndaj tyre,kurse gazetaret duhet t'i pyesin deputetet per <<heshtjen,apo shperfilljen >> e tyre per kete rast.Te shohim si do reagojne.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit