TIRANË- Kjo e hënë për shoferët që duan të dalin apo të vijnë drejt qytetit i ka bërë të jenë paksa të konfuzuar mbi rrugën që duan të përshkojnë! Kjo sepse nga sot, 26 tetor 2020, ka nisur devijimi i trafikut për shkak të punimeve që bëhen për 'Unazën e Madhe'.
Report Tv me gazetarin Arsen Rusta ka raportuar live nga ish- sheshi "Shqiponja", ku shihet që nuk ka pasur një trafik të rënduar në këtë zonë, që prej kohësh ishte shndërruar në një gangrenë për të gjithë qytetarët.
Më shumë trafik ka pasur për makina që vijnë drejt Tiranës, ku vështirësi ka pasur edhe për ambulancën që të kalojë. Siç shihet në videon e Report Tv, ambulanca ka pasur vështirësi në qarkullim, por nuk është bllokuar totalisht, ku automjetet kanë arritur që t'i hapin rrugën me aq sa kanë mundur.
Ajo që është më problematike është mungesa e vijave të bardha, ku qytetarët për mikrofonin e Report Tv thonë se kanë frikë, por janë të detyruar të kalojnë për në anën tjetër të rrugës në mes të makinave.
"Kemi shumë frikë, ishim në punë, tani do ikim. S'ka vija të bardha, do punosh të hash", tha një qytetare. Kamera e Report Tv kapi edhe një moment të një këmbësoreje e cila është detyruar që të kthehet disa herë pas sepse asnjë nga makinat nuk ia hapi rrugën.
Kjo situatë do të vijojë për 4 muaj, periudhë e cila përkon edhe me përfundimin e punimeve.
Si do bëhet devijimi i trafikut
"Drejtimi qarkullimit të mjeteve nga segmenti “Dritan Hoxha” për në rrugën “29 Nëntori” nuk do jetë më sipas rrethrrotullimit, në fazën 3 rrethrrotullimi hiqet. Do ketë një devijim të vogël në të djathtë në rrugën në rrugën dytësore, të gjithë e njohin si Raiffeisen Bank. Është bërë mbushja në aksin kryesor të trupit të rrugës për të mundësuar këtë devijim të lehtë, në drejtim të rrugës “29 Nëntori”, që është dalja për në Durrës. Për të gjithë ata që qarkullojnë nga drejtimi i Durrësit në drejtim të Tiranës do jetë i njëjti plan qarkullimi deri në sheshin “Shqiponja”, duke marr devijimin në të djathtë për pjesën e Pallatit me Shigjeta. Për ata që duan të aksesojnë rrugën “Dritan Hoxha” do aksesohen në semaforin e rrugës “Abedin Rexha” e cila të nxjerr në pjesën e zonës së Helikopterëve dhe me tre rrugët dytësore aksesohen në rrugën “Dritan Hoxha”. Qarkullimi i mjeteve nga rruga “Teodor Keko” për tek rruga “Dritan Hoxha” do bëhet po përmes rrugës “Abedin Rexha”. Pjesa e automjeteve që vjen nga Veri i vendit do të aksesohet nga ana e urës së Babrroit për të dyja drejtimet”, sqaroi më herët drejtori ARRSH.
Si do të devijohet lëvizja për qytetarët që hyjnë në Tiranë
Si do të devijohet lëvizja për qytetarët që dalin nga Tirana
Për shkak të punimeve që po bëhen te ish- sheshi Shqiponja, është devijuar trafiku. Kjo ka sjellë edhe vështirësi në qarkullim, të makinave, përfshirë këtu edhe të ambulancës. Siç shihet në videon që Report Tv sjell, ambulanca ka vështirësi për të kaluar për shkak të trafikut të madh që është krijuar në zonën e njohur si Dogana në Tiranë.
Komente
Lajme të tjera
-
Nis puna për segmentin e ri rrugor nga Sheshi Shqiponja te Bulevardi i Ri, Rama: Projekti i Unazës së Madhe po ecën sipas planit
30 Gusht 2022, 13:41 -
Rreth 120 nxënës rrezikojnë jetën rrugës për në shkollë, në mungesë të mbikalimit detyrohen të kalojnë përmes aksit nacional Gjirokastër-Tepelenë
6 Qershor 2022, 21:06
-
Sot devijohet lëvizja e automjeteve në Unazën e Madhe, ja si do të bëhet qarkullimi i mjeteve
17 Prill 2022, 09:53 -
Kosto e Unazës së Re arrin në 290 mln euro
10 Nëntor 2021, 00:25 -
‘Për në qendër djathtas, në Astir nga tuneli’, mungon tabela paralajmëruese te ish-Sheshi Shqiponja, kaos dhe trafik, qytetarët: E vështirë të gjejmë rrugën, na çmendën
6 Shtator 2021, 13:32 -
Hapja e tunelit 5 në nyjen 'Shqiponja', Rama publikon pamjet: Si do lidhet autostrada me hyrjen drejt qendrës!
4 Shtator 2021, 21:24 -
Kreu i ARRSH për Report Tv: Punimet te ish-sheshi 'Shqiponja' mbyllen brenda 2021! Prezenca e trafikut? Jo nga mungesa e informimit, por kthimi i pushuesve dhe studentëve
4 Shtator 2021, 13:33 -
Hapet për qarkullimin e mjeteve tuneli i 5-të në sheshin 'Shqiponja', Balluku: Do të lehtësojë qarkullimin e mjeteve
3 Shtator 2021, 13:36 -
Rama publikon videon nga ish-Sheshi Shqiponja: Vazhdojnë me tre turne punimet në kantierin e Hyrjes së Re të Tiranës
10 Maj 2021, 20:34 -
Devijohet sërish trafiku tek ish-sheshi Shqiponja, ARRSH tregon skemën si do bëhet hyrja dhe dalja nga Tirana
3 Prill 2021, 12:37 -
Hapet tuneli nr 3 tek ish-sheshi ‘Shqiponja’ që pritet të lehtësojë trafikun: Në funksion që nga mesnata e sotme
31 Mars 2021, 20:24 -
Rama nxjerr pamjet me dron nga sheshi 'Shqiponja': Pas hapjes së tunelit nr.4 u lehtësua qarkullimi, shumë shpejt pritet të hapet tuneli nr.3
30 Mars 2021, 16:02
DUHET TE investohet shume ne rruget e shqiperise,te gjitha te behen me tere korsi dhe te kete ura dhe jo rrethrrotullime si ne lushnje e fier....,,edhe rruga tirane -durres duhet ti shtohet dhe nje korsi tjeter,,,eshte e ngushte me dy korsi,,,dhe rruget dytesore duhen te asfaltohen se jane mizerje fare....
Përgjigjute shkoj dikush nga Arrsh apo nga ministria e rrugeve dhe te bej vijezime provizore, pasi eshte teresisht kaos. Kalimi nga Ndroqi eshte nje zgjidhje minimale. Rruga tjeter teper e rendesishme eshte edhe para top chanel ku kalojne shume makina, por ka 5 muaj qe hapen kanalet dhe ashtu e lane
Përgjigju