Nga Gjasula, Emanuela Rusta te Qerimaj, mesazhet e sportistëve shqiptarë për koronavirusin

Klaus Gjasula, futbollist i kombëtares: "Përshëndetje! Shpresoj që të jeni mirë dhe do iu lusja të mos dilni jashtë, të ruani veten, të ruani shëndetin e familjes, të ruani shëndetin e njerëzve të tjerë. Të bashkuar do ta kalojmë këtë situatë të vështirë. Do ta ngrejmë kokën dhe do të shohim përpara. Ishalla në pak kohë do të mbrojë kjo situatë dhe do kemi prap jetën siç e kishim më para. Përndaj forca!"

Erblira Bici, volejbolliste  e kombëtares: "Përshëndetje. Uroj që ky mesazh t'iu gjejë sa më mirë në shtëpitë e juaja. Ndodhem në rajonin e Lombardisë, por në ekipin tim nuk ka patur asnjë të prekur dhe fatmirësisht edhe unë jam mirë. Duhet të solidarizohemi me masat që ka marrë çdo qeveri në shtete përkatëse. Kuptoheni që është vetëm në të mirën e shëndetit tuaj dhe të familjarëve tuaj, që mbase nuk kanë të njëjtin imunitet si ju. Ju lutem ndiqini rregullat, qëndroni në shtëpi. Iu përqafoj vitualisht, mirupafshim! Forca, do ia dalim!"

Erkand Qerimaj, peshëngritës: "Për të gjithë njerëzit kudo që ndodhen është një situatë e vështirë. Iu bëj thirrje të gjithëve që të qëndrojnë në shtëpi, të respektojnë rregullat. Që kjo periudhë e koronavirusit të kalojë sa më shpejt dhe të gjithë së bashku të kontribuojmë në luftën kundër këtij virusi që dita ditës ka ndryshuar jetët tona. Shpresoj që shumë shpejt të kthehemi në jetët tona normale dhe të gjithë së bashku do ia dalim."

Emanuela Rusta, arbitre e Superligës: 'Përshëndetje të gjithëve, unë jam Emanuela. Duke iu uruar të jeni sa më mirë dhe shërim të shpejtë të personave që janë prekur nga COVID-19. Merrni më të mirën e gjithë kësaj situate duke qëndruar në shtëpi, duke mbrojtur vetën tuaj dhe të dashurit tuaj. Bëni gjërat që iu pëlqejnë sa më shumë në shtëpi. Duke shpresuar që kjo situatë të kalojë sa më shpejtë në bashkëpunimin e secilit prej jush. Iu faleminderit, së bashku do ia dalim!"

Ne.k./r.k./Shqiptarja.com

TAG:
• Erkand Qerimaj
• emanuela rusta
• koronavirusi ne shqiperi
• klaus gjasula