Nga Italia, Norvegjia e Arabia Saudite me drogë me vete për të marrë pjesë në festën në Shëngjin, në pranga 3 persona, nën hetim 3 të tjerë! Iu gjetën në makinë kokainë, kanabis e ekstazi

Foto ilustruese

Me kokainë, kanabis e ekstazi me vete, Policia i ka 'prishur' planet 6 personave, mes tyre të ardhur edhe nga jashtë Shqipërisë, për t'u argëtuar në një festë që po mbahet prej dy ditësh në Shëngjin.

Në aksin Lezhë-Shëngjin policia ka arrestuar një 40-vjeçar nga Norvegjia me iniciale I.D., një 40-vjeçar nga Italia me inicialet  D.S.,40 vjeç dhe F.Xh., 23 vjeç,  banues në Tiranë. Ndërkohë u proceduan penalisht A.Q.,27 vjeç, banues në Kosovë, M.A., 34 vjeç, banues në Arabi Saudite, J.I., 36 vjeç, banues në Kosovë.

Gjatë kontrolleve, këtyre personave iu gjetën në makinë kokainë, kanabis dhe ekstazi.

Një ditë më parë Policia arrestoi 3 persona të tjerë, të cilët po ashtu, me drogë me vete, po shkonin t'i bashkoheshin festivalit.

Një festë e ngjashme, ku përdoreshin masivisht edhe lëndët narkotike u zhvillua disa ditë më parë edhe në Porto Novo në Vlorë, ku të rinj nga e gjithë bota u mblodhën për të festuar në mënyrë të shfrenuar.

E pavarësisht kësaj, autoritete shqiptare nuk kanë ndërhyrë për ta ndaluar organizimin e eventit në Shqipëri.

J.SH./Shqiptarja.com
  • Sondazhi i ditës:

    A mendoni se Gjykata Kushtetuese do e shkarkojë presidentin Meta ?

Komento


×

Lajmi i fundit

John

Itali/ Si nëpër filma, 11- vjeçari lë shkollën dhe niset për të vizituar Romën: Doja të shihja Koloseun!