Nga Selenica, Berisha sulmon Alibeajn me akuza të vjetra: Rama e mban peng me krimet e vëllait

Sali Berisha ka vijuar sulmet ndaj Enkelejd Alibeajt, por këtë herë ka zgjedhur që ‘luftën’ ta bëjë me akuza të vjetra.

Nga Selenica ku zhvilloi takim me demokratët tha se kreu i qeverisë po ndjek të njëjtën rrugë si me Bashën, të cilin thotë se e mbante peng me dosjen e financimit rus ndërsa Alibeajn e mban me krimet e të vëllait.

“Zhvillimet e fundit treguan se ata të cilëve që ne u dhamë besimin, nuk merituan kurrë besimin tonë, ata shkelmuan mbi besimin tonë. Janë në lidhje krimi me Edi Ramën. Janë lidhjet më të tmerrshme të njeriut. Unë ju garantoj ju, se ata nuk shijuan dot kurrë prej tyre.

LEXO EDHE:
I dha PD-në Berishës, gjyqtari Agron Zhukri me 1 miliard lekë pasuri, përballet me bilance negative në vlera të mëdha në KPK

Afera McGonigal tregoi qartë se çfarë tmerri ka Edi Rama ndaj opozitës. Çfarë dallimi ka Rama nga babai i tij që firmoste varjen e Havzi Nelës? Edi Rama, ndaj kundërshtarëve ka po armiqësi sa ai. Ndaj kontrakton vrasës me pagesë. Kryezbuluesin e SHBA-së. Merr peng Lulzim Bravën, me dosjen e larjes së parave. Merr peng Enkelejd Alibashën me krimet e vëllait dhe të vetes së tij. Ne jemi këtu, për të qëndruar deri në fund. Krimi nuk do na mposhtë ne, ne do mposhtim Edi Ramën”, tha Berisha.

Berisha i referohet akuzave të vitit 2016 kur qarkulluan lajme se vëllai i Enkelejd Alibeajt ishte arrestuar në Gjermani me akuzën e vjedhjes me armë.  Në një bisedë me Report Tv, vetë Taulant Alibeaj mohoi të jetë vënë në pranga nga policia gjermane, ndërsa konfirmoi se në datat e pretenduara se është arrestuar 6 prill, ka qenë në Gjermani për një vizitë familjare.

Berisha komentoi edhe krizën energjetike duke akuzuar qeverinë se po abuzojnë duke thënë se lufta në Ukrainë nuk ka ndikuar as te shou, reshjet apo retë.

“Por për energjinë lufta në Ukrainë për energjinë ne kishim zero lidhje. Lufta në Ukrainë  nuk ndikoi as te shiu, as tek reshjet, as tek dielli, as tek retë. Por ndikoi vjedhja. Rroftë sebepi tani. Digat që mbushen plot, edhe tani janë plot, edhe do mbushen edhe më tepër, gjithë verën në vend që ti ruajnë dhe ti përdorin në vjeshtë, i zbrazin në kundërshtim me ligjin, ua sheshin sekserëve të vet.

Çfarë janë sekserët e vet? Janë kompani që blejnë e shesin energji. Shesin energjinë këtyre sekserëve me 15-20-30 euro dhe këta e shesin në bursë me 150-200 euro dhe të gjithë fitimin e ndajnë me qeveritarët e ndajnë me ministrat. Kjo është e vërteta”, tha Berisha.

A.M./KT/Shqiptarja.com

TAG:
• sali berisha
• enkelejd alibeaj