Lajmi i nisjes së operacionit konfirmua dhe nga vetë presidenti i përkohshëm Oleksander Turçinov i cili tha se operacioni ndaj separatistëve rusë do të zhvillohet në disa faza dhe në mënyrë të përgjegjshme.
Siç raportojnë mediat vendase, trupat ushtarake kanë marrë kontrollin e një fushe aviacioni në qytetin e Kramatorsk ndërkohë nga përleshjet 4 aktivistë pro-rusë kanë humbën jetën ndërsa 2 të tjerë mbetën të plagosur.
Ndërkohë ka nisur dhe një ofensivë në qytetin e Slaviansk.
Së bashku me trupat janë dërguar dhe autoblinda, tanke, helikopterë dhe avion luftarak. Tensioni në lindje të Ukrainës është rritur ndjeshëm javën e kaluar ku aktivistë pro-rusë morën kontrollin e ndërtesave qeveritare dhe të policisë në 10 qytete.
Autoritetet ukrainase kishin dhënë ultimatum që forcat separatiste ruse të lëshonin godinat ditën e djeshme. Por ultimatumi nuk është zbatuar dhe për këtë arsye forcat ushtarake të Kievit kanë nisur sulmin për marrjen me forcë të tyre.
Redaksia online
(e.sh/shqiptarja.com)