TIRANE-50-vjeçari Nihat Xhaferaj i ka shpëtuar atentatit të dytë. Në mesnatë, rreth orës 00:30 ai është qëlluar më armë zjarri në banesën e tezes 70-vjeçe ku ishte strehuar në Fier, pasi ishte larguar nga Selenica si pasojë e hasmërisë me fisin Llanaj. Ngjarja ka ndodhur në lagjen Mbrostar-Ferko në Fier.
Fatmirësisht Nihat Xhaferaj ka shpëtuar me një plagosje. Fillimisht ai u dërgua në spitalin e Fierit për ndihmë më pas në Tiranë në spitalin e Traumës për mjekim më të specializuar, ndërsa ndodhet jashtë rrezikut për jetën. Autorët pas e qëlluan u larguan me shpejtësi me një makinë tip "Benz" e cila pak minuta më vonë u gjet e djegur në aksin rrugor Fier-Levan, në vendin e quajtur "Rrethrrotullimi i Levanit". Grupi hetimor po punon për zbardhjen e plotë të ngjarjes, identifikimin dhe kapjen e autorëve.
Në zonën rreth pallatit janë marrë pamjet e kamerave të sigurisë për të identifikuar dhe shkuar në gjurmët e autorëve që qëlluan 50-vjeçarin. Nihat Xhaferaj janë në hasmëri me fisin Llanaj në Vlorë dhe kjo është një nga pistat ku po hetohet aktualisht. Historia e hakmarrjes ka nisur me vrasjen e babait të Nihat Xhaferaj në vitin 1998.
Nihat Xhaferaj i shpëtoi atentatit mbrëmjen e djeshme në Fier në banesën e tezes së tij, ku u qëllua me armë zjarri, ndërkohë që autorët u larguan nga vendngjarja me një makinë të tipit "Benz", e cila më vonë u gjet e djegur. Një nga pistat ku po hetohet është hasmëria dhe konfliktet me fisin Llanaj në Vlorë. Konfliktet dhe hasmëria mes dy fiseve Llanaj-Xhaferaj në Vlorë, kanë sjellë një sërë atentatesh që prej vitit 1998.
Konflikti ndërmjet fiseve Llanaj dhe Xhaferaj ka nisur në vitin 1998, kur u vra me armë në Selenicë të Vlorës Gjysho Xhaferaj. Baftjar Llanaj u akuzua nga prokuroria për vrasjen e tij. Nuk kaloi shumë dhe në qershor 2011 u ekzekutua në Vlorë Baftjar Llanaj.
Ngjarja e rëndë ndodhi më 14 qershor 2011 rreth orës 18:00 në rrugën që lidh qytezën e Selenicës me Vlorën, në vendin e quajtur “Bishti i Malit”. 60-vjeçarit Llanaj iu zu pritë duke u qëlluar me breshëri automatiku nga të paktën dy persona. Pas krimit policia arrestoi autorin Sako Xhaferaj, nipi i Gjysho Xhaferaj, pasi Sako kishte mbetur vetë i plagosur në këtë ngjarje të rëndë.
Në shtator 2011, tentohet të vritet Nihat Xhaferaj, djali i viktimës Gjysho Xhaferaj të vrarë në 1998. Për ngjarjen u akuzua Altin Aliaj, nipi i familjes Llanaj. Pas krimit u arrestua Altin Aliaj, i cili më pas u lirua nga gjykata. Në janar 2012 u vra në atentat Nure Xhaferri 52 vjeç, djali tjetër i Gjysho Xhaferaj. Ndërkohë që ditën e sotme i është bërë sërish atentat Nihat Xhaferajt, djalit të viktimës Gjysho Xhaferaj, pikënisjes së hasmërisë në vitin 1998.
Lajme të tjera
-
Krijohet shoqëri aksionere për menaxhimin e inceneratorit të Fierit! PD e Bashës kundër: Rithemelimi pazare me PS-në në Këshillin Bashkiak
15 Prill, 15:27 -
Lushnje, sherr mes grave, 49 vjeçarja godet me thikë 52 vjeçaren
15 Prill, 12:52 -
Parku Arkeologjik i Bylisit 250 vizitorë më shumë në 3 muaj, rruga e re lehtësoi vizitat! Turistja: U impresionova, vlera të rralla antikiteti
14 Prill, 16:18
-
‘Vendimi i padrejtë’, 63-vjeçari në Lushnjë tenton të godasë gjyqtaren, arrestohet nga policia
13 Prill, 12:22 -
Aksident i rëndë në aksin Lushnje-Berat, i moshuari dërgohet në spital me plagë të rënda
13 Prill, 08:42 -
Aksident tragjik në fshatin Bidaj, automjeti del nga rruga dhe 58-vjeçari humb jetën (EMRI+VIDEO)
12 Prill, 16:16 -
Banorët e 2 fshatrave në Fier në protestë: Uji i ndotur po na kalb të mbjellat, na kanë ngordhur bagëtitë
11 Prill, 17:04
-
Pasuri e përfituar nga krimi, Prokuroria e Fierit sekuestrohen 2 pika karburanti e 4 pronat e Saimir Taullaut në Lushnje! I menaxhonte nga të afërmit e tij
11 Prill, 14:48 -
Vidhnin mjete luksoze në Zvicër dhe i trafikonin në Shqipëri, 4 në kërkim! Sekuestrohet ‘Benz’-i me vlerë 100 mijë euro
11 Prill, 10:39 -
Laboratori i kokainës në Frakull, SPAK kërkon 93 vite burg për të pandehurit! 10 vite për ish kryekomunarin, Çervanaku
11 Prill, 10:39 -
Konflikti mes fqinjëve, 17-vjeçari u qëllua me pistoletë në sy të prindërve! ‘Report tv’ zbardh detaje të ngjarjes në Bërdicë të Shkodrës
11 Prill, 10:16 -
Aksident i rëndë në aksin Çermë-Divjakë, furgoni përplaset me motorin! Humb jetën 44-vjeçari
11 Prill, 07:31
