Një stil entuziast nga Kryemadhi, për opozitën

Një stil entuziast nga Kryemadhi, për opozitën

Monika Kryemadhi është në rrugë të mbarë. Ndryshe nga Basha, ajo ka filluar t’i heqë frikën vetes për zgjedhjet edhe pas ndryshimeve kushtetuese. Më së paku, është e qartë që ndryshimet do të bëhen dhe po mendon si ta bëjë më të lehtë ditën pas ndryshimeve.

Sot për shembull e kishte gjetur një zgjidhje. Kishte çuar Edi Ramën në vend të tretë ose të katërt pas zgjedhjeve dhe e kishte zgjidhur problemin e koalicioneve.

Kjo ka pak rëndësi për rezultatin e vitit të ardhshëm. Kjo ka shumë rëndësi për nesër pasdite, kur ndryshimet do të miratohen dhe opozita do reagojë.

Nëse i përmbahemi logjikës “kërcënuese” të Bashës, opozita normalisht do të thotë “nuk hyjmë në zgjedhje”, “nuk i njohim, nuk i lejojmë”,  etj., si këto. Madje, mund të shkohet dhe tek shprehja e famshme “ata do kalojnë mbi trupin tim”.

Qëndrimi i Monikës është më inteligjent dhe më politik. Ajo i lë vetes derën hapur për të folur njësoj si fituese dhe nesër pasdite. Dhe kjo është më e shëndetshme për opozitën, se sa ajo që bën Basha, duke filluar procesin e ri të të gënjyerit të militantëve.

Po ashtu është e zgjuar që dhe Meta u përmbajt sot pasdite. Prisja t’i rikthehej teorisë së sovranitetit, kundër ambasadorëve, sidomos asaj të SHBA, që e konsideron të drejtë të Parlamentit, të marrë vendime për ndryshime të tjera përtej 5 Qershorit.

Po ashtu u përmbajt dhe ndaj ambasadorit Soreca. Mund të duartrokiste për fjalinë e parë ambasadorin Soreca, që këshillon të mos bëhen ndryshime kushtetuese të njëanshme, se rrezikon që njëra palë mund të mos njohë qeverinë e dalë nga zgjedhjet. Por kjo të lë shije të hidhur, pasi ai e bën fakt të kryer që do fitojë Rama dhe ka frikë se mos nuk e njeh Basha. Pasi Rama nuk ka si të mos e njohë po fitoi, se i njeh ndryshimet kushtetuese.

Sot ishte dita e fundit, kur opozita mund të bënte sikur i bashkohej ndryshimit dhe në Këshillin Politik.

Diçka dhe bëri sot. Propozoi ndryshimin e Kushtetutës për listat e hapura. Pra thjesht nuk bien dakord për formulën e koalicioneve. Ata e duan koalicionin me shumë lista, socialistët e duan koalicionin parazgjedhor me një listë, si gjithë vendet e OSBE që bëjnë zgjedhje të lira.

Pra “virgjëria” e mos prekjes së Kushtetutës ra nga vetë opozita. Debati është sa thellë është shkuar.

Kryemadhi e ka gjetur zgjidhjen. Tani “për një plesht nuk digjet gjithë jorgani”. Nuk u bë, nuk u bë. Në zgjedhje duhet hyrë, jeta do të vazhdojë edhe pas 30 Korrikut dhe morali duhet ngritur. I ka rënë shkurt, duke “caktuar” që Edi Rama del i katërti dhe bën thirrje të vazhdojnë përpara.

Lulzim Basha duhet të mësojë diçka nga ky stil. Natyrisht jo në mënyrë kaq vulgare, por në përmbajtjen e tij. Është më mirë të shfaqesh si fitimtar entuziast, se sa si kërcënues i dështuar. Në të dyja raste mund të mos ia dalësh, por të paktën kështu si Monika, e shtyn me shpresë deri në fund kur thua se Rama do dalë i katërti. Ky stili tjetër, duke kërcënuar që “do të kalosh mbi trupin tim”, nuk shtyhet. Jo për gjë, por Edi Rama është edhe i gjatë dhe kalon pa të prekur fare.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dangellia: 30/07/2020 09:35

    Hahaha bravo zoti mero kot nuk jemi pak nga nje ane ne ja themi per pene....shum koment i sakt

    Përgjigju
  • leone: 30/07/2020 09:22

    Monika e Cocaines dhe jo vetem i vuri karar me se fundmi dhe,me thene te drejten mire e ka! Partiza apo particka e saj del e para ne zgjedhje (merr nja dy-tre deputete);pas saj ne vendin e dyte del Basha ,krie.ari i bandes se madhe.Ai e ka fitoren ne xhep.Do marre nja 30-40 vende dhe do fuse ne parlamentin e ardheshem nje pjese jo te vogel te kamikazeve qe ka rreth tij ,te lidhur me te e me krimin me njemije e nje fije.Ne vend te trete ka mundesi te dale Rama ,i cili duam nuk duam ne ,do marre afersisht (+/-)gjysmen e deputeteve te ardhshem.Ne vend te katert do renditet partia e re e Murrizit apo e Hajdarit,qe sipas mendimit tim do marrin te pakten 15-20 deputete,(ne mos befte surprizen e te marre me shume se partia e bandes se madhe te BerishoBashes)duke patur parasysh se ka shume anetare e simpatizante te PS-se qe u vjen per te vjelle nga lyl brilantina dhe kupola e degjeneruar rreth tij.Une po te isha i pozicionuar djathtas do votoja 100 here Murrizin e Rudinen se se krie.arin e PD-se e llumin qe ka mbledhur rreth tij.Pastaj me radhe do jene partia e Patozit etj etj.Risia e fundit do jete se partizat e tjera te grumbulluara te ansamblit te gaforreve"na bashkoi kenga popullore e lyl hollandezit" do mbeten jashte parlamentit,duke vene nje pikepyetje per partine e Agron Dukes,nese do kandidoje e vetme...Megjithate zgjedhjet jane tek pragu i deres dhe do shohim se si do jete renditja e partive,sic them une e doktorresha e shkencave te kafese e te cocaines apo do renditen ndryshe?!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë