Njihuni me bujkun nga Ndroqi që nuk i braktisi tokat! Sinan Lika flet në ‘Një nga Ne’: Po punove arrin diçka

Tokat e trashëguara nga i ati nuk i ka lënë djerrë, por i ka mbjellë me kultura të ndryshme sipas sezonit.

Për Sinan Likën dita nis herët, pasi i duhet të përshtatet me ritmet e natyrës.

“Këto i kemi toka babe. Kemi qenë nga zona sipër e fshatit Çalabërzezë dhe kemi zbrit nga kodra e kemi ardhur në fushë.

Dita ime nis në orën 6 e gjysmë të mëngjesit. Kam 20 e ca vjet që merrem me bujqësi. Gjatë stinës së verës ngrihemi pak herët, që të mos na zërë vapa dhe bëjmë punët e kohës tek toka dhe tek sera”, tregon për emisionin “Një nga ne” në Report Tv.

Bujqësia është sa sfiduese, aq edhe e bukur kur shikon farat teksa rriten dhe japin frutin.

Nuk ka shpërblim të menjëhershëm. Gjithë investimin e kryer, e merr mbrapsht kur shitet prodhimi. Ndaj shumë e kanë braktisur tokën për shkak të lodhjes nga puna fizike, risqeve dhe përkushtimit që kërkon ky sektor. Por, jo Sinani.

“Bujqësia është pak e lodhshme, por po punove arrin diçka. Nuk ka asnjëherë orar. Kam bërë shkollën e mesme bujqësore në Kamëz. Kemi marrë informacione të vlefshme në atë kohë dhe dimë t'i praktikojmë me kulturat bujqësore që mbjellim tani. Dimë çfarë hamë se e prodhojmë vet.

Kur merr prodhimin dhe lekun jemi të kënaqur se tek leku varet e gjithë puna”, tregon bujku nga Ndroqi.

Tashmë ka përvojën e duhur që nuk e lë të gabojë. Përzgjedh me kujdes farat për mbjelljet e radhës, merret me prashitjen, spërkatjen me plehra kimik, vaditjen dhe vjeljen. Kështu kalon gjithë dita pa u ndjerë.

Koha e lirë mbetet e pakët, por kur mundet bën shëtitje me kalë për të shijuar mrekullitë e natyrës ose për të konsumuar prodhimet bio.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

Media spanjolle ‘Actualidad Viajes’: Zbuloni Shqipërinë, destinacionin evropian me bukuri të jashtëzakonshme

Media spanjolle ‘Actualidad Viajes’: Zbuloni Shqipërinë, destinacionin evropian me bukuri të jashtëzakonshme