'Nuk është koha për politikë' Yuri Kim: Fola me Ramën, Metën dhe Bashën, pa unitet nuk fitohet lufta

Ambasadorja e SHBA-së, Yuri Kim ka bërë një thirrje për gjithë klasën politike shqiptare duke u kujtuar se kjo nuk është koha për politike, kur Shqipëria por dhe gjithë bota po përballet me luftën e koronavirusit. Kim shkruan se të gjithë liderët duhet të jenë të unifikuar për njerëzit, në të kundërt nuk mund të fitojnë luftën. Ajo i ka bërë thirrje edhe qytetarëve që të vijojnë të qëndrojnë të duruar në shtëpitë e tyre që të fund të dalim fitimtarë.

“Është e natyrshme të ndjehemi të lodhur nga masat e rrepta, por duhet të qëndrojmë vigjilentë. Të gjithë ne, përfshirë edhe ambasadën e SHBA në Tiranë, duhet të vazhdojmë të bëjmë pjesën tonë për t’i mbajtur të gjithë të shëndetshëm. Fola me Presidentin Meta, kryeministrin Edi Rama, kreun e PD Lulzim Basha për të lavdëruar udhëheqjen e tyre të unifikuar kundër COVID19, dhe se kjo duhet të vazhdojë. Tani nuk është koha për politikë si zakonisht. Nuk mund të fitojmë luftën pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë”, shkruan Kim.

Ambasadorja Kim ka shkruar se ajo ka folur dhe me ministren e Shëndetësisë, Manastirliu për ta falenderuar për punën që stafi mjekësor po zhvillon gjatë situatës së koronavirusit. "Fola me Ministren e Shëndetësisë për të falënderuar punonjësit e saj të kujdesit shëndetësor që vazhdojnë  luftën kundër COVID19. E rëndësishme për të gjithë që të vazhdojnë të rrinë në shtëpi! ", thotë Kim.

Rendit zhvillimet sipas orarit:

Të Fundit Të Parat

//Shqiptarja.com

TAG:
• edi rama
• Ilir Meta
• lulzim basha
• Yuri Kim
• Koronavirus
• koronavirusi ne shqiperi