Pas propozimit të Komitetit Teknik të Ekspertëve, nxënësit e arsimit parauniversitar janë rikthyer për të zhvilluar mësimin fizikisht në klasa e jo më të kombinuar online. Drejtoresha e shkollës 'Edith Durham', Majlinda Dervishi tregoi për Report Tv se rregullat anti-covid janë të njëjta ashtu si në fillim të vitit shkollor.
“Në çdo klasë është dezinfektanti i tavolinave dhe dezinfektanti i duarve për nxënësit apo edhe në hyrje të mësimit, çdo nxënës dezinfektohet, i matet temperatura dhe më pas hyn në ambientet e brendshme të shkollës. Nuk lejohet asnjë njeri i huaj gjatë kohës së mësimit që të hyjë në ambientet e brendshme të shkollës. Ne kemi kombinuar dhe hyrjen dhe daljen e nxënësve në dy drejtime të ndryshme”-u shpreh drejtoresha Majlinda Dervishi.
Drejtoresha thotë se rikthimi në klasa u prit mirë si nga nxënësit ashtu dhe nga mësuesit të cilët në këtë mënyrë e kanë më të lehtë për të kontrolluar aftësitë e tyre.
“Kthimi në skenarin e parë ishte shumë mirë për të dyja grupet, edhe për mësueset dhe për nxënësit sepse tashmë kemi mundësi që t'i kontrollojmë fizikisht në shkollë. Jo se mësimi online nuk ka funksionuar, ka funksionuar normalisht por nuk është njësoj sikurse zhvillimi i mësimit në klasa edhe për nxënësit por edhe për mësuesit”-tha Dervishi.
Për shkak të ndarjes në dy grupe me nga 15 nxënës, orët janë të reduktuara në 30 minuta. Pushim të madh nuk ka pasi nuk lejohet konsumimi ushqimeve, por ka pushimeve të vogla 5 minutëshe ndërmjet orëve.
Nxënësit e arsimit parauniversitar u rikthyen sot në banka, ndërsa Ministrja e Arsimit, Sportit dhe Rinisë, Evis Kushi ka publikuar në Facebook disa foto nga rinisja e procesit mësimor.
“Sot, në të gjithë vendin ka rinisur procesi mësimor sipas skenarit të parë në bankat e shkollës për të gjithë nxënësit e arsimit parauniversitar, ku çdo gjë ka ecur sipas parashikimeve dhe duke respektuar rregullat e higjienës dhe distancimit fizik”, shkruan Ministrja Kushi.
Ajo ka shprehur mirënjohjen e saj për nxënësit, prindërit dhe në veçanti për mësuesit.
“Mirënjohje pa kufi për të gjithë nxënësit dhe prindërit, por sidomos për mësuesit tanë, të cilët falë sakrificës e përkushtimit të pashoq kanë treguar se janë heronj të vërtetë në një kohë kaq të vështirë. Respekt”, përfundon mesazhin e saj ministrja.
Pasi qëndruan tre muaj në shtëpi, nxënësit e shkollave 9-vjeçare dhe të mesme janë rikthyer të gjithë në bankat e shkollës. Ata e kanë mirëpritur vendimin e Komitetit të Ekspertëve, pasi mësimi online ka krijuar mjaft boshllëqe në mësime. Ndjekim intervistat e realizuara sot në gjimnazin "Janaq Kilica" në Fier.
“Na kishte munguar. U rikthyem. Ndihemi më mire”, tha një nxënëse.
“Ndihemi më të çlirët. Mësimi është më i rregullt. Mësojmë më shumë. Gjithçka është më e qartë”, u shpreh një tjetër”, tha një tjetër.
“U rikthyem në bankat e shkollës pas një tre mujori që ishim online. Jemi rikthyer të gjithë. Mësimi bëhet me dy turne dhe respektojmë masat e COVID. 16 nxënës është klasa ime. Krahasim me online është më mirë, pasi jemi më pranë mësuesve dhe mësimi shpjegohet më mirë dhe më i saktë”, tregoi një tjetër.
Gazetari: Keni vështirësi që në pak orë i bëni të gjitha lëndët?
‘Vështirësi ka, por me mundim nga ana jonë dhe e mësuesve mundohemi që të ja dalim”, përfundoi nxënësja.
Lajme të tjera
-
Fier, ushtroi dhunë ndaj fëmijëve të mitur, 28-vjeçarja procedohet pas kallëzimit të ish-bashkëshortit
19 Prill, 11:38 -
Takim në gjimnazin ‘Dervish Hekali’ në Mallakastër, Balla: Duhet rritur perimetri i sigurisë edhe në komunitete e lagjet ku jetojnë fëmijët
16 Prill, 10:30 -
Krijohet shoqëri aksionere për menaxhimin e inceneratorit të Fierit! PD e Bashës kundër: Rithemelimi pazare me PS-në në Këshillin Bashkiak
15 Prill, 15:27 -
Lushnje, sherr mes grave, 49 vjeçarja godet me thikë 52 vjeçaren
15 Prill, 12:52 -
Parku Arkeologjik i Bylisit 250 vizitorë më shumë në 3 muaj, rruga e re lehtësoi vizitat! Turistja: U impresionova, vlera të rralla antikiteti
14 Prill, 16:18
-
‘Vendimi i padrejtë’, 63-vjeçari në Lushnjë tenton të godasë gjyqtaren, arrestohet nga policia
13 Prill, 12:22 -
Aksident i rëndë në aksin Lushnje-Berat, i moshuari dërgohet në spital me plagë të rënda
13 Prill, 08:42 -
Aksident tragjik në fshatin Bidaj, automjeti del nga rruga dhe 58-vjeçari humb jetën (EMRI+VIDEO)
12 Prill, 16:16 -
Banorët e 2 fshatrave në Fier në protestë: Uji i ndotur po na kalb të mbjellat, na kanë ngordhur bagëtitë
11 Prill, 17:04
-
Pasuri e përfituar nga krimi, Prokuroria e Fierit sekuestrohen 2 pika karburanti e 4 pronat e Saimir Taullaut në Lushnje! I menaxhonte nga të afërmit e tij
11 Prill, 14:48 -
Vidhnin mjete luksoze në Zvicër dhe i trafikonin në Shqipëri, 4 në kërkim! Sekuestrohet ‘Benz’-i me vlerë 100 mijë euro
11 Prill, 10:39 -
Laboratori i kokainës në Frakull, SPAK kërkon 93 vite burg për të pandehurit! 10 vite për ish kryekomunarin, Çervanaku
11 Prill, 10:39
