OFL zbarkon në Elbasan, u kërkon vetëdeklarimin e pasurisë 3 të dënuarve për drogë, vjedhje dhe shfrytëzim prostitucioni

Operacioni Forca e Ligjit u ka dërguar formularin e vetëdeklarimit të burimeve të pasurisë tre të dënuarve në Elbasan.

OFL i ka nisur kërkesat me shkrim për vetëdeklarimin e pasurisë, të dënuarve:

Bashkim Bubeqi, banues në Elbasan, i dënuar për veprat penale “Rrëmbimi ose mbajtja peng e personit” dhe “Shfrytëzimi i prostitucionit”;

Durim Koçi, banues në Elbasan, i dënuar për veprën penale “Trafikimi i narkotikëve”;

Emanuele Budini, banues në Elbasan, i dënuar për veprat penale “Grupi i strukturuar kriminal” dhe “Vjedhja”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

TAG:
• Elbasan
• vjedhje
• droge
• prostitucion
• ofl