Operacioni 24 orë mbi liqen, rikthehet energjia për 4 mijë banorë të Mirditës (VIDEO)

MIRDITË- Një operacion që ka zgjatur për 24 orë, u ka rikthyer energjinë elektrike 4 mijë banorëve të Mirditës. 

Defekti u shkaktua pranë liqenit në HEC, Ura e Fanit, në një gjatësi prej 1423 metra, ku dy kampatat e linjës që pësuan defekt gjendeshin mbi ujë .

Në këtë operacion morën pjesë 70 punonjës të drejtorisë së Tensionit të Lartë në Veri dhe për riparimin e defektit u desh ndërhyrja me varkë.

"Rreth 70 punonjës të drejtorisë së Tensionit të Lartë (DTL) njësia Veri, u angazhuan 24 orë për riparimin e linjës 35 kV #Rrëshen-Kalimash.  Defekti u shkaktua pranë liqenit në HEC Ura e Fanit, në një gjatësi prej 1423 metra.  Brigadat e linjave të Shkodrës, Mirditës dhe Kukësit punuan në kushte mjaft të vështira të motit, duke shpërfillur dhe rrezikun nga COVID 19. Dy kampatat e linjës që pësuan defekt gjendeshin mbi ujë, ndaj u përdorën varkat për të rikuperuar kabullin e këputur dhe riparuar rrjetin elektrik për 4000 banorët e zonave Kaçinar, Bukmir, Simon, Kushnen, Shengjergj, Kalur, Arrëz dhe Molaj", njofton OSHE.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen