Osmani: Ndëshkimi i grupeve kriminale, rruga e vetme për stabilitet

Vjosa Osmani 

Presidentja e Kosovës, Vjosa Osmani, u ka thënë të dërguarve të SHBA-së dhe BE-së, Gabriel Escobarit dhe Mirosllav Lajçakut, se vetëm ndëshkimi i grupeve kriminale mund të çojë në një “stabilitet të qëndrueshëm dhe afatgjatë”.

“Prandaj presim që institucionet ligjzbatuese ta bëjnë punën e tyre, në përputhje me ligjin, në mënyrë që grupet kriminale përgjegjëse për dhunën të përballen me drejtësinë”, u tha Osmani, sipas njoftimit të Zyrës së Presidentes.

LEXO EDHE:
Serbia ndalon një kosovar nën dyshime për krime lufte

Osmani përmendi edhe mundësinë e organizimit të zgjedhjeve të reja  që ka qenë kërkesë e Escobarit dhe Lajçakut në takimin e një dite më parë me kryeministrin e Kosovës, Albin Kurtin.

“Zgjedhjet e reja në komunat në veri të vendit mund të organizohen në përputhje me kornizën aktuale kushtetuese e ligjore dhe në këtë kontekst, duhet të sigurohet pjesëmarrje demokratike e qytetarëve që jetojnë në këto katër komuna”, tha Osmani.

Ajo gjithashtu theksoi se Kosova është e përkushtuar të punojë në bashkëpunim me aleatet e saja ndërkombëtare.

Lajmi kryesor:

Pasi i bënë 3 kërkesa Kurtit, Escobar dhe Lajçak takim 'kokë më kokë' me Osmanin! Kryeministri i Kosovës: Të ndalet dhuna dhe zhvillojmë zgjedhjet

M.T/Shqiptarja.com

TAG:
• Miroslav Lajcak
• Gabriel Escobar
• serbi
• kosove
• Albin Kurti
• aleksander vucic
• tensione ne veri te kosoves