‘Pa gjurmë’, prindërit ndahen, gjyshja në kërkim të nipërve: Nëna i braktisi, sot i ka rrëmbyer

Sot ajo është nënë e dy fëmijëve. Marinela Bushati, nga qyteti i Burrelit përballet me vështirësitë e një nëne të divorcuar. Ngrysur nga mosgjetja e një zgjidhjeje për të jetuar mirë, kjo histori e Marinelës, si ndoshta shumë histori të ngjashme të çdo gruaje që ka fatin e saj, nis në vitin 2009.

Ajo u martua, ndërsa nga ky kurorëzim me ish-bashkëshortin Fatos Halili solli në jetë dy fëmijë, një djalë dhe një vajzë. Pak vite ndërsa ishte ende një nuse e re, në derën e burrit nisën konfliktet e para me vjehrrën dhe si rrjedhim dhe me ish-bashkëshortin. Debatet nisën që prej vitit 2013.

Me vajzën e vogël, që ende s’ka mbushur 1 vjeç e gjysëm, ende në gji, lë shtëpinë dhe zhvendoset në familjen e saj, tek prindërit. Dy fëmijët me vendim gjykate i kaluan të atit, ndërsa çifti kishte kryer divorcin.

Edhe pse me vendim, Gjykata vendosi të drejtën e takimit të nënës me fëmijët, Marinela sipas deklarimit të ish-vjehrrës, Gjyle Halilit i braktisi fëmijët duke mos i takuar për dy vite me radhë.

Kur u duk se përfundoi gjithçka nis një tjetër histori.

Pasi kaluan disa vite nga divorci i parë Marinela dhe Fatosi, u drejtohen zyrave të gjendjes civile, nga ku ribëjnë bashkimin në martesë, martesë e cila do të zgjaste vetëm një vit pasi rinisën debatet. Ata u divorcuan për herë të dytë më datë 5 janar të vitit 2016 dhe 2 të miturit asokohe djali 5 vjeçe dhe vajza 4 vjeçe, me gjykatë me vendim ia kaloi nënës, Marinelës, ndërsa babai, Fatosi duhej të paguante detyrimin ushqimor prej 5 mijë lekësh të rinj për secilin nga fëmijët. Sipas të njëjtit vendim, nga Gjykata e Rrethit gjyqësor Dibër, babai duhet t’i takonte fëmijët e tij të shtunën e fundit të çdo muaji. Kanë kaluar tre vite nga ndarja e dytë dhe Marinela, nuk ka lejuar mundësinë e takimit të fëmijëve me babain, si dhe me askënd tjetër nga pjesëtarët e familjes së ish-bashkëshortit.

Gjyshja e dy fëmijëve, Gjyle Halili e ftuar në emisionin  ‘Pa gjurmë’ ka thënë se vetë Marinela i braktisi fëmijët, ndërsa sot i ka rrëmbyer dhe ata nuk dihen se ku janë. Ajo ka thënë se kërkon vetëm që ti takojë.

Ajo i braktisi fëmijët, ndërsa sot i ka rrëmbyer. Kur Marinela iku, la dy fëmijë. Djali erdhi direkt më kapi nga këmbët. Gjithë natën rrija me vajzën, derisa harroi gjoksin tek nëna. I mbajta për 1 vit e gjysëm. Rrija në oborr dhe mbaja shishet, i kam dhënë edhe ushqim me shiringë se ishte mësuar me gji. Natën nuk flija fare, derisa vajza u qetësua. E kam pritur Marinelën që të më merrte. Jam munduar, kam një zot që e di sa jam munduar.

Gjyle Halili, gjyshja e dy fëmijëve

Gjyshja ka treguar se fëmijët mund të jenë keqtrajtuar nga nëna e Marinelës, jo prej saj. 

Burri ka vajtur t’i marrë dhe ata u kanë thënë se gjyshja ka vdekur. S’do të lë gurë për të parë sërish fëmijët janë gjallë apo jo. Mamaja e Marinelës nuk i do fëmijët. Mamaja i thoshte mos e merr djalin me vete kur të vish, merr vetëm vajzën. Kam 2 vite e gjysëm pa i parë, i kam rritur vetë.

Gjyle Halili, gjyshja e dy fëmijëve

Rendit zhvillimet sipas orarit:
Ora 19:54
Halla mesazh drithërues për nipërit: Marinela të mos i ndajë, ajo gjyshe është me zemrën plot

Rozeta Keshi, halla e dy fëmijëve, rasti i së cilës është trajtuar mbrëmjen e sotme në “Pa gjurmë”, ka lëshuar një mesazh nga ekrani i Report Tv, për mamanë, Marinelën.

Halla ka thënë se dy fëmijët nuk duhet të ndalohen nga Marinela për t’u takuar me ta. Ajo i ka lëshuar një mesazh të fortë Marinelës, kur i thotë se gjyshja është e lënduar dhe se pret nipërit me zemrën plot.

Nëse ka mundësi, Marinela s’ka pse të ndalojë fëmijët. As nga ana e babait, as nga ana e nënës. Nuk ka pse të na shkëputë nga fëmijët. Ajo gjyshe është e lënduar, me zemrën plot. Fëmijët s’duan të flasin, ata janë të vegjël e nuk dinë. Ata duhet të rikthehen, janë fëmijë. Kjo nuk është diçka që e logjikojnë dot. Dua që fëmijët të mos na i pengojnë.

Rozeta Keshi, halla e fëmijëve

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK firmos 9 masa sigurie, mes tyre 2 ish-zyrtarë të Bashkisë së Tiranës

SPAK firmos 9 masa sigurie, mes tyre 2 ish-zyrtarë të Bashkisë së Tiranës