'Pa Gjurmë' rindërton shtëpinë rrënuar nga tërmeti falë donacionit të emigrantit shqiptar, momenti kur nëna e jetimëve përulet live

Historia e nënës së tre fëmijëve jetim, që trokiti në emisionin ‘Pa gjurmë’, në prill të këtij viti, me një apel për ndihmë, pasi tërmeti i 26 nëntorit ia shembi shtëpinë është një ëndërr e bërë realitet. Falë një emigranti shqiptar në Spanjë, i quajtur Martin u mundësua ndërtimi nga e para e banesës, në Kërrabë të Tiranës, aty ku jeton nëna bashkë me tre djemtë. Për këtë gjest kaq human për Flutura Dedën, apeli i së cilës erdhi në muajin e shenjtë të Ramazanit, ajo nuk gjen fjalë për të përshkruar me lot gëzimi atë që ndien, sot. 

"Më duket ëndërr kur kthej kokën dhe shoh shtëpinë. ishte sit ë shihja fëmijët të vdekur para syve, ishte një tmerr i vërtetë por ja që zoti të jep të keqen dhe të mirën. Falë donatorit Marin dhe emisionit 'Pa Gjurmë' ëndrra u bë realitet. Ju falënderoj shumë. Falë jush fëmijët e mi u ringjallën, pasi ato ishin të vdekur. Ato ishin pa bukë, dhe tavani iu binte mbi kokë. Të gjithë përulen para kishës dhe xhamisë, unë përulem ndaj jush", përlotet nëna e tre djemve.

Ende e pabesueshme për këtë familje, që lindjen e diellit ta presin nga dritaret e kësaj banese pa frikën se çatia mund t'u bie mbi kokë.

"Jam shumë i lumtur dhe e falënderoj donatorin, i cili na ndërtoi shtëpinë. Më përpara ishim në një kasolle. Faleminderit shumë për ndihmën dhe që na bëri ëndrrën realitet", thonë dy djemtë e Fluturës.

Falë nismës së Report Tv, shtëpia nisi që nga themelet e deri në përfundimin e arredimit të brendshëm të saj, që nga momenti kur shqiptari nga Spanja ofroi 100 përqind të vlerës për ndërtimin e shtëpisë, për të cilën Bashkia e Tiranës nuk vonoi për të dhënë lejen për ndërtim. U deshën plot katër muaj që gjithçka të përfundonte dhe shtëpia të ngrihej në këmbë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnjë, lejuan 37 ndërtime pa leje në 2019-2021, dënohen 12 persona! Mes tyre  2 kryeinspektorë dhe 2 inspektorët e IKMT-së

Lushnjë, lejuan 37 ndërtime pa leje në 2019-2021, dënohen 12 persona! Mes tyre 2 kryeinspektorë dhe 2 inspektorët e IKMT-së