Emisioni 112/ Nga momenti i shpërthimit të karburantit në Kombinat, tek arrestimi i 18-vjeçarit me refugjatët ilegalë (VIDEO EKSKLUZIVE)

TIRANË - Një 18-vjeçar është arrestuar nga efektivët e Policisë Rrugore tek Ura e Beshirit në orët e mbrëmjes.  Arrestimi pasi i riu nuk kishte leje drejtimi ndërsa në makinë kishte edhe 3 refugjatë ilegalë nga Siria. Mjeti tip Golf ku udhëtonin personat u ndalua pas veprimeve të çuditshme nga shoferi pa patentë i cili u tremb nga efektivët e policisë rrugore. Djali frenoi gozhdë kur pa që kishte efektivë të qarkullimit rrugor përpara.  Pas prangosjes së tij nga efektivët rrugor u kërkua ndihma e patrullave të rendit të Komisariatit nr. 6 me të cilat ishim edhe ne ndërsa ju sjellim pamjet reale dhe ekskluzive nga momentet e ndalimit të të riut tek Ura e Beshirit dhe shoqërimin në komisariat për mungesë të patentës dhe dyshime për trafikim të shtetasve të huaj.

Në këtë episod të emisionit "112" të realizuar nga gazetari i Report TV Antonio Çakshiri ju tregojmë edhe reagimin e policisë pas një telefonate për rrjedhje gazi në një karburant në zonën e Kombinatit. Pas një shkëndije, depozita e gazit të karburantit shpërtheu në flakë ndërsa fatmirësisht nga ngjarja nuk pati asnjë të lënduar. Në segmentin e parë të emisionit ju sjellim pamjet ekskluzive nga kamerat e trupit të efektivëve dhe reagimin e zjarrfikësve në vendngjarje për të shuar flakët.

Në segmentin e fundit të emisionit për këtë javë, jemi me efektivët e komisariatit nr. 2 në kryeqytet ndërsa ata patrullojnë zonat e nxehta ku mund të konsumohen lëndë narkotike në Selitë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!