Pagat e prapambetura, FIFA i bllokon merkaton Tiranës! Seferi në ‘ajër’

Ekipi kampion në fuqi, Tirana, është dënuar nga FIFA me bllokimin e merkatos për shkak se ka humbur gjyqin për pagat e prapambetura me futbollistin Moktar Cise.

Futbollisti nga Mali, që ka luajtur me bardheblutë në sezonin 2016-2017, pretendonte se nuk ishte paguar nga Tirana sipas kontratës, ndërsa tani FIFA i ka dhënë të drejtë 27-vjeçarit. Në këto kushte Tiranës i duhet të bëjë një marrëveshje me Cise-n në rast se kërkon këtë janar të bëjë goditje në merkato.

Ky lajm aspak pozitiv vjen pak orë pasi klubi i Tiranës kishte zyrtarizuar një super goditje në tregun e transferimeve për sulmin. Bardheblutë arritën akordin me Young Boys për huazimin e sulmuesit të Kombëtares Taulant Seferi, por që me bllokimin e markatos duhet të presë për t’u cilësuar si bardheblu.

Si për ironi të klubeve shqiptare lajmi vjen një ditë pasi Partizani fitoi gjyqin në CAS për bllokimin e merkatos nga FIFA.

Ne.k./r.k./Shqiptarja.com
  • Sondazhi i ditës:

    Ngjarja e Kavajës, sipas jush si do të jenë ditët e fundit të fushatës elektorale?

Komento


×

Lajmi i fundit

John

34 mijë qytetarë dalin nga sigurimet shoqërore! Eksperti Dermyshi: Rritja e papunësisë cënon pensionet! COVID rriti informalitetin në punësim