Papa Françesku paralajmëron liderët botërorë për rreziqet nga inteligjenca artificiale

Papa Françesku paralajmëron liderët botërorë për rreziqet nga inteligjenca artificiale

Papa Françesku

Papa Françesku u bë Papa i parë që iu drejtua një samiti të shtatë vendeve më të industrializuara në botë (G7), duke paralajmëruar liderët botërorë se Inteligjenca Artificiale nuk duhet të lejohet kurrë të ketë epërsi mbi njerëzimin.

Papa tha Inteligjenca Artificiale përfaqëson një "transformim epokal" për njerëzimin, por theksoi nevojën për mbikëqyrje të ngushtë të teknologjisë gjithnjë në zhvillim, për të ruajtur jetën dhe dinjitetin njerëzor.

"Asnjë makineri nuk duhet të zgjedhë kurrë t'i marrë jetën qenies njerëzore," tha ai derisa shtoi se njerëzit nuk duhet të lënë që algoritmat e superfuqishme të vendosin për fatin e tyre.

"Ne do ta dënonim njerëzimin për një të ardhme pa shpresë nëse do t'ua hiqnim njerëzve aftësinë për të marrë vendime për jetën e tyre, duke i dënuar ata të varen nga zgjedhjet e makinerive," paralajmëroi ai.

Samiti i G7-ës, i cili po mbahet në Itali, mbledh së bashku liderët e Shteteve të Bashkuara, Gjermanisë, Britanisë, Francës, Italisë, Kanadasë dhe Japonisë.

Papa Françesku pranoi se Inteligjenca Artificiale mund të zgjerojë qasjen në njohuri në mbarë botën.

“I takon të gjithëve që ta përdorin mirë (Inteligjencën Artificiale) por përgjegjësia i takon politikës për të krijuar kushtet që një përdorim i tillë i mirë të jetë i mundur dhe frytdhënës”, shtoi ai.

Në një draft të deklaratës së tyre përmbyllëse, liderët e G7-ës thanë të premten se ata do të hartojnë një plan për të parashikuar aftësitë dhe nevojat e ardhshme arsimore për të përfituar nga revolucioni në pritje i Inteligjencës Artificiale./ Rel

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Gogu-opozitës: Zbatuan urdhrin e atij mbi ballkon! Njësiti guerril bëri atentat në Kuvend! Ora e drejtësisë për të paprekshmit ka ardhur

Gogu-opozitës: Zbatuan urdhrin e atij mbi ballkon! Njësiti guerril bëri atentat në Kuvend! Ora e drejtësisë për të paprekshmit ka ardhur