Papa Françesku shtrohet në spital, i nënshtrohet një operacioni, del me sukses! Reagon Presidenti italian Mattarela

Papa Françesku ka përfunduar me sukses operacionin në Spitalin Gemelli të Romës. Sipas asaj që shkruajnë mediat italiane gjithçka ka shkuar më së miri dhe Papa pritet të qëndrojë në spital edhe 5 ditë. Mjeku që e ka operuar Atin e Shenjtë ka thënë se ndërhyrja ka shkuar mirë, ndërsa buletini mjekësor pritet të dalë mëngjesin e së hënës.

Operacioni në zorrën e trashë, ishte i planifikuar.

Presidenti Ilir Meta ka reaguar pas lajmit se Papa Françesku do t'i nënshtrohet një operacioni duke i uruar atij shërim të shpëjtë. Në një postim në 'Facebook', Meta shkruan se rikthimi i Atit të Shenjtë në krye të detyrës, është në të mirë të njerëzimit dhe përhapjes së mesazheve hyjnore.

"U bashkohem lutjeve për suksesin e operacionit të planifikuar kirurgjikal të Atit të Shenjtë, me urimin e përzemërt për shërim të shpejtë dhe të plotë, si dhe për rikthimin sa më parë në krye të detyrës së tij tepër të rëndësishme në të mirë të njerëzimit dhe përhapjes së mesazheve hyjnore", shkruan Meta.