Familja e OSBE-së apel të fortë opozitës: Molotovi, gurët dhe shashkat të papranueshme!

Familja e OSBE-së apel të fortë opozitës: Molotovi, gurët dhe shashkat të papranueshme!


E ndërsa pas deklaratave të forta të ambasadorit Bernd Borchardt pas protestës së dhunshme të opozitës në 11 maj, opozita e akuzoi për qëndrime individuale ç'ka solli edhe parullën në hyrje të pallatit ku banon diplomati, sot para tubimit të radhës ka ardhur reagimi i tërë familjes së OSBE-së.

Në reagim i qëndrohet deklaratës së 11 majit për dënimin e dhunës dhe gjithashtu paralajmërohet opozita për tubimin e sotëm. "Deklarata mbetet po aq e vlefshme sa edhe dy javë më parë. Koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet. I nxitim pjesëmarrësit dhe drejtuesit e protestës së sotme të jenë të përmbajtur" thotë OSBE-ja.

Deklarata e plote e OSBE-se
E tërë familja e OSBE-së -- Prezenca e OSBE-së në Shqipëri, Kryetari i Radhës i OSBE-së dhe ministri i Jashtëm e për Evropën i Sllovakisë, Miroslav Lajčak, Sekretari i Përgjithshëm i OSBE-së, Thomas Greminger, Presidenti i Asamblesë Parlamentare të OSBE-së, George Tsereteli dhe Sekretari i Përgjithshëm i Asamblesë Parlamentare të OSBE-së, Roberto Montella -- e dënuan fuqishëm përdorimin e dhunës, nga ana e protestuesve, në kryeqytetin e Shqipërisë, Tiranë, më 11 maj 2019. Ata theksuan të drejtën për t’u tubuar dhe për të protestuar në mënyrë paqësore, por nënvizuan se dhuna është e papranueshme dhe se trazirat nuk mund të zëvendësojnë angazhimin politik demokratik.

E sjellim në vëmendje këtë deklaratë përpara protestës së 25 majit 2019. Deklarata mbetet po aq e vlefshme sa edhe dy javë më parë. Koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet. I nxitim pjesëmarrësit dhe drejtuesit e protestës së sotme të jenë të përmbajtur. Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike.


Lajmi kryesor:

SHBA: Dhuna në protestë është krim...do mbani përgjegjësi! Politika ta dënojë dhe të ulet në dialog konstruktiv /Reagimet


  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Rezultat historik për boksin shqiptar, Alban Bermeta mes 20 më të mirëve në botë (FOTO)

Rezultat historik për boksin shqiptar, Alban Bermeta mes 20 më të mirëve në botë (FOTO)