Partizani gjyq në KAS për zhbllokimin e merkatos: Në rregull me dokumentat, Çinari ishte lojtar i lirë (VIDEO)

Edhe pse ishte një lajm “bombë” bllokimi i merkatos për një vit për çështjen Çinari duket se tek Partizani nuk janë shumë të shqetësuar. Në klubin kryeqytetas  po bëjnë gati të gjithë dokumentacionin e nevojshëm për të bërë ankimimimin në KAS pra në Gjykatën e Arbitrazhit Sportiv në Lozanë.

Klubi bën me dije për Report Tv se në bazë të dokumentacioneve Partizani është në rregull në transferimin e Çinarit realizuar në vitin 2018-të. Partizani është i bindur se ka në rregull çdo gjë si në dokumentacionin e vet lojtarit, të Vllaznisë dhe të Federatës  ku vërtetohet se në momentin e firmës me klubin kryeqytetas sulmuesi shkodran ka qënë një lojtar i lirë dhe jo i impenjuar me ndonjë ekip e aq më pak me kroatët e Istras.

Drejtuesit e kuq do bëjnë ankimim me proçedurë të përshpejtuar në KAS ku fillimisht do të kërkohet zhbllokimi i merkatos që është gjëja kryesore. Rasti i sulmuesit është një mashtrim pasi ai ka firmosur me Alaves në Spanjë dhe Istrën në Kroaci pasi klubet kanë të njëjtin aksioner. Rastin e denoncoi Vllaznia por në fund e pësoi Partizani me bllokim merkatoje ,80 mijë euro gjobë dhe pezullim katër mujor për vetë futbollistin.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zhgënjen Denver, Golden State dhe Lakers fitore play-offi

Zhgënjen Denver, Golden State dhe Lakers fitore play-offi