Pas 20 viteve në robëri në një lokal në Tiranë, CNN publikon video nga ariu i murrmë në mes të pyllit

AUSTRI- Pasi qëndroi për 20 vite në ‘robëri’, i mbyllur brenda kafazit të një restoranti në Tiranë, ariu i murrmë Mark tashmë është i lirë. CNN i cili e ka ndjekur çështjen e tij hap pas hapi, ka publikuar së fundmi një video, ku tregon ariun teksa lëviz i lirë në pyll mes dëborës, aty ku dhe ka vendin.

Rasti i ariut të murrmë u soll në vëmendje nga mediat italiane të cilat i kushtuan një artikull për mënyrën sesi ai mbahej në një kafaz të një restoranti në Tiranë, një atraksion tradicional për klientelën, por që tregonte keqtrajtimin e këtyre kafshëve. Pasi kësaj reagoi “Four Paws”, një organizatë globale për mirëqenien e kafshëve me seli në Vjenë. Ajo mori përsipër largimin e ariut Mark nga kafazi drejt strehimores në Austri.

Në vitin 2016, në Shqipëri, sipas "Four Paws" kishte rreth tridhjetë raste si ai i ariut të murrmë Mark, por shumica prej tyre, falë ndërhyrjes së organizatave për mbrojtjen e kafshëve, mundën të shpëtoheshin dhe të transferoheshin në vendstrehime të arinjve jashtë vendit.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite