Pas 38 vitesh, shpërthen për herë të parë Vullkani më i madh në botë Mauna Loa në Hawaii (VIDEO)

 

Mauna Loa i Hawait, vullkani më i madh aktiv në botë, filloi të shpërthejë të dielën për herë të parë që nga viti 1984, duke i dhënë fund periudhës së tij më të gjatë të qetë në histori.

Në mbrëmje, qielli mbi ishullin më të madh të Hawait u bë ngjyrë e kuqe, teksa llava e doli në majën e vullkanit rreth orës 23:30 me orën lokale, raportojnë mediat e huaja.

Llava nuk kërcënon për momentin banorët e Havaiit, tha Shërbimi Gjeologjik i SHBA-së, raportojnë mediat e huaja.

Shërbimi paralajmëroi banorët të hënën se ciflat e vullkanit të cilat janë të imëta mund të bllokojnë rrugët.

Mauna Loa ngrihet në lartësi 4,169 metra mbi Oqeanin Paqësor, pjesë e zinxhirit të vullkaneve që formuan ishujt e Hawait. Për herë të fundit shpërtheu në mars dhe prill të vitit 1984, duke dërguar një rrjedhë llave brenda 8.05 km nga Hilo, qyteti më i madh i ishullit.

Agjencia e Menaxhimit të Emergjencave të Havait tha se kishte hapur dy strehimore në ishull si një masë paraprake, por gjithashtu theksoi se nuk ka shenja se llava do të kërcënojë zonat e populluara dhe se nuk kishte lëshuar asnjë urdhër evakuimi.

S.S/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria mbetet me një Gjykatë Apeli në Tiranë, si e vlerësoni?



×

Lajmi i fundit

Ulja e  inflacionit, nuk ndryshon norma bazë e interesit! Sejko: ekonomia tendencë rritëse, 4% në fund të 2022

Ulja e inflacionit, nuk ndryshon norma bazë e interesit! Sejko: ekonomia tendencë rritëse, 4% në fund të 2022