Rama, shkodranëve: Unë jam komunisti dhe Saliu demokrati?! A jeni në vete apo jo?! Po mbahet peng ende sot Shkodra nga Enver Hoxha përmes PD-së

Kryebashkiakia e Shkodrës Voltana Ademi ka reaguar në lidhje me deklaratat e kreut të qeverisë Edi Rama, sot në Shkodër. Ademi shkruan se Rama është një komunist dhe këtë gjë e demonstroi sot para Shkodrës.

‘Apologjia e humbjes e një individi të pashpresë! Pas 8 viteve persekutim të Shkodrës, pranuar edhe me gojën e tij, nuk e kupton akoma pse nuk e duan shkodranët, pse nuk e kanë votuar dhe nuk do ta votojnë jo vetëm me #25Prill por asnjëherë! Sot nga Shkodra, iu kthye “humorit të zi”, duke i kujtuar persekucionin komunist, djali i atij që firmosi varjen në litar të një shkrimtari si Havzi Nela!

Po, ti je komunist dhe e demonstrove sot atë para Shkodrës, e cila të njeh dhe ta ka dhënë përgjigjen ashtu siç e ke merituar! Po, ne jemi antikomunistë! Kemi qenë e do të jemi sepse kemi lindur të lirë dhe kështu do të qendrojmë!

Diversionet e ulta në Shkodër, fryma e përçarjes që kërkon të mbjellësh do të jetë fillimi i ndëshkimit tënd nga shkodranët e shqiptarët me #25Prill. Për 45 vite i rezistuam diktatorit komunist dhe për 10 ditë, do të bëjmë të dorëzohet edhe Edveri!

Ti as nuk e ke njohur e nuk do ta njohësh kurrrë Shkodrën. Ti nuk e ke vlerësuar dhe nuk mund ta vlerësosh kurrë atë, edhe pse rrekesh të gjesh lidhje në këtë qytet. Duke i përmendur, vetëm i ndot ata, kontributin dhe kujtimin e tyre në këtë qytet.

Ora jote po pushon, po ndalet! Pas 10 ditëve ti do të jesh thjesht një pensionist në politikë. Nga Shkodra do të vijë humbja që e ke merituar si askush tjetër në këtë vend!’- tha Rama.

Kryeministri Edi Rama ka thënë nga Shkodra se është i gatshëm që të bashkëpunoj me çdo shqiptar, përveç Metës dhe Berishës, pasi sipas tij ato janë pengmarrësit e PD dhe Lulzim Bashës.

‘Unë jam gati të bashkëpunoj me çdo shqiptar përveç Sali Berishës dhe Ilir Metës. Kjo nuk është personale, por ato janë pengmarrësit e PD dhe Lulzim Bashës. Jam i gatshëm të bashkëpunoj me PD dhe Lulzim Bashën pasi nëse politika i lë konfliktet e veta dhe merret me si ta bëjmë Shqipërinë kampione në Ballkan, për shoqërinë dixhitale etj. Këtë e bën politika, sigurisht kjo nuk ka lidhje me zgjedhjet, kjo ka lidhje me vullnetin për t’i dhënë politikës në fuqi më të madhe që të bëjë sa më shumë për njerëzit.’- tha Rama.

Kryeministri Edi Rama iu kthye një qytetari në Shkodër, i cili e shau nga nëna e tij. Rama tha se ai është fytyra e Partisë Demokratike në Shkodër, pasi i ka thënë partia që të bëjë atë veprim.

‘Se çka ai me nënë time, ai andej!? Ajo është demokracia? Ajo është Partisë Demokratike në fakt. Një njeri atje që më dërgon dëshirën e tij lidhur me nënën time që është në botën tjetër. Ajo është Partia Demokratike e Shkodrës, ai është një që i kanë thënë shko e thuaj atë të nënës, atij që po flet. Ajo është demokracia në Shkodër? Shkodra ka mbetur e fundit dhe thonë në vazhdojmë që të rrimë të fundit por komunizmit si dorëzohemi, siç thoshte Enver Hoxha që do të rrimë të fundit e kapitalizmit nuk i dorëzohemi.’- tha Rama.

Kryeministri Edi Rama nga Shkodra ka ironizuar kryetarin e PD-së Lulzim Bashën, duke thënë se dhëndrit i shtronin rrugën me sheqer dhe premton lekë, lekë, lekë. Rama tha se në Shkodër nuk është bërë mjaftueshëm, por është i sigurt që me listën e kandidatëve për deputetë që ka zgjedhur, është një listë e denjë që i përfaqëson të gjithë.

‘Në Lezhë i kishin shtruar rrugën me sheqer dhëndrit. Dhe fillon me premtime lekë lekë, lekë! Për mua është shumë e qartë dhe dua të bëj shumë të qartë edhe për të tjerët unë nuk mendoj se PS nuk ka bërë mjaftueshëm. Nuk ka dhënë prova të mjaftueshëm për të bindur çdo qytetar të Shkodrës dhe që nuk është në grupin e atyre me qafën e trashë, por e kam prarasysh shumë mirë që qytetarët të cilët thonë se nuk jam me asnjë parti. Unë i mirëkuptoj që kur shkojnë në hipotekë edhe ju nxihet jeta. Kur shohin sesi nga vota lindin drejtorë. Jam krenar sepse mendoj se kam ardhur me njerëz që janë prova sipas meje e sigurtë që ne në të shkuarën, nuk kemi pasur një ofertë bindëse, unë nuk e dua PS-në një parti që jeton me veten dhe për vete, por për të gjithë.’- tha Rama.

Kryeministri Rama pati një apel për të gjithë shkodranët në aktivitetin përmbyllës të fushatës në këtë qark.

"Jozefina Topalli nuk është shoqja ime. Por Jozefina Topalli tradhtare? Me çipin që i ka vënë në tru Enver Hoxha. Me mua e luftonte komunizmin ju? Unë komunisti dhe Saliu demokrati? A jeni në vete apo jo? Kush janë komunistët këtu, Edona, Benet apo Paulini? Si ka mundësi që në këtë vend që nxorri Migjenin, Luigj Gurakuqin e mijëra të tjerë mbiu e mbrapshtë bashkë me lirinë fara e poshtër e totalitarizmit komunist prej tyre që morën në dorë flamurin e PD-së", tha Rama.

Kryeministri Edi Rama nga Shkodra tha se ky qytet është më i prapambeturi dhe kjo për shkak të Partisë Demokratike. Teksa theksoi se vite më parë ky qytet ka luftuar komunizmin, sot ka mbetur peng nga Enver Hoxha përmes Partisë Demokratike.

‘Më dhanë këtë bluzë, me parashikimin tim të rezultatit, por më kujtuan një shokun tim të kohës kur luaja basketboll, që ishte me i bukur, shumë më i bukur, më i shpejtë shumë më i shpejtë shumë më i talentuar se Sokol Kala. Dua nga këtu ta përshnes, është në Itali. Dua të përshëndes edhe disa të tjera, që ishin çunat më të bukur të Shkodrës. Ishte lirshëm fare që të flisje kundër diktaturës, kundër atyre që për fat të keq e mbajnë Shkodrën peng akoma, e kanë kthyer Shkodrën në viktimën e hakmarrjes së tyre.

Shkodra kurrë nuk e deshi diktaturën, gjithmonë diti ta ruante me shumë sakrificë, zjarrin e besimit, tek zoti, tek Shkodra tek liria. Po u them gjithë Shkodranëve një gjë si kjo dritë që unë shoh se PD e Shkodrës nuk është asgjë tjetër por fiks siç Enver Hoxha do të donte të ishte PD. Enver Hoxha në emër të luftës kundër komunizmit, i mbajtur peng. Vendi më i prapambetur i Shqipërisë.’- tha Rama.

Drejtuesi politik i PS-së në Shkodër, Ilir Beqaj, ftoi shkodranët që të bëhen bashkë për ta ndryshuar Shkodrën.

"Është detyra jonë ta bëjmë Shkodrën siç duhet.  Nëse shikoni bashkitë që drejtohen nga socialistët e kuptoni se ç'ka bërë Edi Rama për veriun. Këtë duam ta bëjmë edhe për Shkodrën ndaj na duhet ndihma juaj. Prioriteti ynë është Shkodra ndaj mesazhi im është për demokratët që të bëhemi bashkë dhe ta bëjmë Shkodrën. Ky mandat duhet të vazhdojë për rrugën e Dukagjinit, për spitalin e Shkodrës, për shkodrën universitare, duhet të vazhdojë liqenin e Vaut të Dejës, duhet të vazhdojë për të gjitha projektet", tha Beqaj.

Kandidati i renditur i treti i PS-së në Qarkun Shkodër, Benet Beci, tha se plani i PS-së është që në mandatin e ardhshëm të impletojmë një sërë projektesh që do të tranformojnë të gjithë zonën.

"Ne kemi projektet që e fusin Shkodrën në ritmet e zhvillimit. Ne kemi projekte në vazhdim nga Velipoja deri në Vermosh. Bukuritë natyrore të Shkodrës do të jenë një e mirë, një e ardhur, për popullin e Shkodrës. Shkodra do të marrë ritmin e zhvillimit në të gjithë vendin. Janë një sërë projektesh konkrete dhe e kemi provuar që i bëjmë. Do të sjellim një transformim rrënjësor të qytetit të Shkodrës",  tha Beci.

 

Kryesuesja e listës së kandidatëve për deputetë në Shkodër, Edona Bilali tha se njerëzit as nuk e besonin se ishte ajo do të merrej me politikë. Bilali tha se ajo nuk mund të ndihej rehat në vendin e saj të punës, kur qyteti është mbuluar nga një re gri.

Ajo tha se nuk do të jetë një deputete që premton vende pune, por do të përpiqet që të sjellë kompani të huaja në Shkodër që të krijojnë vend epune. Po ashtu Bilali tha se nuk do ta mbajë rininë me birra, por do të trokasë në derën e  kryeministrit që të hape zyra inovacioni në Shkodër.

‘Më merrnin njerzit dhe më thonin, Edonë a je ti? Isha shumë mirë dhe shumë rehatë në profesionin tim. Isha reahat për vete, por a jam unë rehat kur qyteti që dua është siç është sot i mbuluar nga një re gri. E vetmja gjë që ka fillu me e zbardh pak Shkodrën është Shiroka, që faktikisht është rrezja e shpresës që i ka hapur retë e Shkodrës.

Unë e di që nuk do të jem një deputete që premton vende pune, por do të trokos derë më deë për më pru kopmani të huaja në Shkodër që ato ti hapin vendet e punës. Nuk dot ti mbaj rininë me birra por do ti rri pas derës kryeministrit derisa Shkodra të ketë zyrën e vetë të inovacionit, dhe pastaj sigurisht që do ti pi edhe birrat me to.’- tha Bilali.