Pas shërimit nga COVID, Imzot George Frendo mesazh besimtarëve: Shpresoj të kremtoj meshën me popullin në Katedrale të dielën me 6 dhjetor

Pas shërimit nga COVID, Imzot George Frendo mesazh besimtarëve: Shpresoj të kremtoj meshën me popullin në Katedrale të dielën me 6 dhjetor

Imzot George Frendo

TIRANË- Pas shërimit nga COVID-19, Imzot George Frendo, Arqipeshkëv Metropolit i Tiranë-Durrës ka bërë një mesazh drejtuar të gjithë besimtarëve të krishterë. Mesha e të dielës më 6 dhjetor mund të mbahet nga Frendo. Lajmin e ka bërë të ditur ai vetë, teksa thotë se kjo periudhë për të nuk ka qenë aspak e lehtë, por që ia ka dalë mbanë. Imzot George Frendo ka pasur edhe një falenderim për të gjithë ata që u lutën për shëndetin e tij.

"Falenderoj Zotin se së shpejti do të jem përsëri me grigjen time. Larg grigjes jam ndjerë si kokë pa trup. Gëzohem se mund të vazhdoj të kremtoj kohën e Ardhjes, në përgatitje për Krishtlindjen, bashkë me popullin tim. Kjo periudhë ka qenë për mua një eksperiencë e dhimbshme. Megjithatë jam ndjerë më afër Jezusit, i cili, nga dashuria e tij për ne, ka pranuar dhimbje për shelbimin tonë. Dhe jam ndjerë më afër atyre që, në këto ditë, po vuajnë nga e njejta sëmundje. Zoti ti forcoftë e ti sheroftë.

Falenderoj përzemersisht të gjithë ata që më kanë qenë pranë që në fillimin e kësaj sëmundjeje, veçanërisht bashkëpuntorët e mi më të ngushtë dhe gjithashtu falënderoj për shërbimin e parë që kam marrë nga strukturat e shërbimit Shëndetësor në vend, veçanërisht në Spitalin “Shefqet Ndroqi”. Dëshiroj të falënderoj shumë nga ata që më kanë uruar shërim të shpejtë, ndër të cilët Presidenti i Republikes Z. Ilir Meta, Kryetarin e Kuvendit Z. Gramoz Ruci, Kryetarin e Bashkisë Z. Erjon Veliaj, Z. Lulezim Basha kryetarin e Partisë Demokratike, e shumë e shumë të tjerë!

Falenderoj të gjithë besimtarët që janë lutur për mua. Shpresoj të kremtoj meshën me popullin në Katedrale të dielen me 6 dhjetor. Ju përshëndes përzemërsisht duke ju kujtuar të gjithëve gjithmonë në lutjen time", shkruan Frendo.

Arqipeshkvi i Tiranës George Frendo rezultoi pozitiv me koronavirus më 12 nëntor. Ai u dërgua me urgjencë, brenda një kapsule drejt Italisë, për shkak se ka pasur probleme me frymëmarrjen. Më herët, e ka fituar betejën me COVID-19 dhe Kryepeshkopi i Kishës Ortodokse Autoqefale të Shqipërisë Anastas Janullatos.

Imzot George Frendo teksa u transportua për kurim të specializuar në Itali

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pas arrestimit të Evis Berberit, qeveria emëron Gentian Gjylin në krye të ARRSH

Pas arrestimit të Evis Berberit, qeveria emëron Gentian Gjylin në krye të ARRSH