Pas vizitës në Tiranë, kryetari i Prishtinës Përparim Rama rezulton pozitiv me COVID

Pas vizitës në Tiranë, kryetari i Prishtinës Përparim Rama rezulton pozitiv me COVID

Kryetari i komunës së Prishtinës Përparim Rama

Përparim Rama, kryetari i komunës së Prishtinës, ka rezultuar pozitiv me COVID-19. Lajmin e ka bërë vetë me dije vetë Rama në një postim në rrjetet sociale, ku shkruan se për momentin nuk ka asnjë simptomë, ndërsa shton se është izoluar në shtëpinë e tij. Kujtojmë se dy ditë më parë, Përparim Rama zhvilloi një vizitë në Tiranë ku edhe u takua me kryebashkiakun e Tiranës Erion Veliaj.

Gjatë qëndrimit të tij në Tiranë, bashkë me kryetarin Erion Veliaj, Përparim Rama dhe delegacioni që e shoqëroi në këtë vizitë të parë në kryeqytetin shqiptar ishin në Teatrin Kombëtar Eksperimental “Kujtim Spahivogli” për premierën “Unë, Mephisto”.

'Të dashur qytetarë, Sapo jam njoftuar nga IKSHPK se kam rezultuar pozitiv me COVID-19. Jam izoluar menjëherë sapo kam kuptuar që kam patur kontakt me persona të cilët kanë rezultuar pozitivë, dhe kam anuluar të gjitha takimet e parashikuara. Për momentin, nuk kam asnjë simptomë dhe po e vazhdoj punën prej shtëpisë, duke u koordinuar me ekipin tim në mënyrë që proceset e punës të vazhdojnë normalisht gjatë ditëve të ardhshme.'- shkruan Rama.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete