Pato i kërkon Piolit ta rikthejë te Milan: Pranoj të bëj zëvendësuesin e Ibrës

Alexandre Pato, ish-sulmuesi i Milanit që aktualisht është pa klub, i ka kërkuar zyrtarisht trajnerit të ‘djallit’ Stefano Pioli që të rikthehet në San Siro. Në një intervistë 31-vjeçari është shprehur: ‘Do të ishte si ëndërr rikthimi te Milan pasi është gjithmonë në zemrën time. E pranoj me kënaqësi të jem zëvendësuesi i Ibrës, por pse jo mos të luanim bashkë.’

Pato ishte vetëm 17-vjeç kur u transferua nga Brazili te Milan dhe arriti të impresionte tifozët me lojën spektakolare dhe golat e shumtë që realizoi. Gjithsesi dëmtimet e shumta e penguan futbollistin të bëhej një ‘top-player’, ndërsa vitet e fundit ka luajtur në Kinë dhe Brazil.

Milan ndërkohë ka arritur të sigurojë futbollistin e parë për merkaton e janarit. Mediat në Itali bëjnë me dije se ‘djalli’ ka arritur marrëveshjen me Torinon për 26-vjeçarin Meite. Ai vjen në formë huazimi me të drejtë blerje për 10 mln euro.

Ne.k./r.k./Shqiptarja.com
  • Sondazhi i ditës:

    “Pol i tretë?!” A duhet që 20 partitë e reja të bashkohen kundër PS, PD, LSI?

Komento


×

Lajmi i fundit

John

Ndarja nga jeta e Sulajt, Meta: Ishte një prej pedagogëve më të vlerësuar për përgatitjen e shumë brezave ushtarakësh