Patos/ Digjet që prej ditës së djeshme fusha e mbetjeve urbane në Zharrëz! Ambientalisti: Zgjidhja e vetme groposja në dhé

PATOS- Prej dy ditësh, banorët e Patosit janë nën pushtetin e një tymi të dendur. Një zjarr në një kodër me ullinj ka depërtuar deri në fushën e mbetjeve duke e bërë shumë serioze situatën, kjo pasi shuarja e flakëve duket e pamundur.

Kryetari i Shoqatës për mjedisin në Zharrë, njëherazi ambientalist, Qani Rredhi thotë se e vetja rrugë zgjidhjeje është groposja në dhe e mbeturinave.

“Ne mbrëmë banorët e kanë përjetuar keq, kanë qenë nën pushtetin e një tymi, tymi ka qenë rrafsh me tymin, po punohet për shuarjen e zjarrit, por janë pa rezultat, i bëj thirrje Bashkisë së Patosit që të veprojë si Bashkia e Fierit, që t’i groposë plehrat me dhe se zjarrfikësja është e pamundur, vetëm me izolim me dhe, rrugë tjetër nuk ka. Ne jemi një fshat shumë i ndodur nga gazrat, na duhet dhe një tym, ishte dje kryetarja e Bashkisë, u bë pjesë e shqetësimit", tha ai. 

Kjo nuk është hera e parë që Fieri përjeton një situatë të tillë si pasojë e zjarreve. Më herët, u përfshinë nga flakët disa vatra në fushën e mbetjeve që "mbytën" qytetin me tym prej 5 ditësh duke shkarkuar një emergjencë mjedisore. Kryebashkiaku i Fierit, Armando Subashi tha se nuk më depozitim mbetjesh në fusha, por do të transportohen në incenerator.

 

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete