PD: Spitali Covid 4 mashtrim i Ramës! 'Qeveria e ka lëshuar situatën e epidemisë në rënie të lirë'

Partia Demokratike ka akuzuar qeverinë se ka dështuar në përballimin e situatës që ka krijuar pandemia në vendin tonë.

Eksperti i shëndetësisë pranë selisë blu Gazment Koduzi, tha se nuk ka një strategji kontrete nga ana e autoriteteve, por po bëhet propagandë. Pjesë e kësaj propagande sipas Koduzit, është edhe hapja e Covid 4, premtim i bërë në fillim të qershorit, por që vijon të jetë i mbyllur.

"Spitali Covid 4 ishte një mashtrim i Edi Ramës për propagandë. Shqiptarët kanë nevojë urgjente për kujdes shëndetësor në këtë kohë pandemie. Qeveria dështoi me menaxhimin e situatës së Covid 19. Dështoi në marrjen e masave për mospërhaqjen e këtij virusi në popullatë, por aq më tepër në institucionet shëndetësore", deklaroi Koduzi.

Më tej eksperti i shëndetësisë tha se qeveria ka dështuar edhe në rritjen e numrit të testimeve, ku pavarësisht se e rriti numrin e tyre në 500, nuk ka mjaftuar për të plotësuar të gjitha nevojat e qytetarëve shqiptarë për t'u testuar. Sipas tij Rama nuk i ka marrë parasysh sugjerimet e ekspertëve, por vetëm është tallur me to.

"Qeveria dështoi në rritjen e numrit të testimeve dhe në kohën e fundit rriti numrin e tyre tek 500 por pa plotësuar të gjithë nevojat që kanë qytetarët shqiptarë për t’u testuar dhe me këto masa qeveria tregoi që nuk ka një strategji, që e ka lëshuar situatën në rënie të lirë. Qeveria në vend që sakrificën e njerëzve që bënë gjatë 3 muajve karantinim ta kthente në investim në sistemin shëndetësor për ta përballuar më mirë këtë situatë, qeveria u mor me propagandë, me tendera korruptivë dhe një nga veprat e propagandës së Edi Ramës është prapa meje, ish-Universiteti Kristal, i cili sipas Edi Ramës u kthye në Spitalin Covid 4 më 2 qershor dhe u inaugua me propagandë të madhe por që ishte një mashtrim për shqiptarët.

Sot shqiptarët kanë nevojë për kujdes shëndetësor më të specializuar dhe më cilësor dhe kjo godinë është e mbyllur. Edi Rama nuk i ka dëgjuar këshillat e ekspertëve të Partisë Demokratike apo edhe të pavarur për masat që duhet të marrë për të përballuar këtë situatë, por vetëm është tallur me to. Përgjegjësi kryesor i situatës në të cilën ndodhen qytetarët shqiptarë, është vetëm Edi Rama", deklaroi Gazment Koduzi.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 06/08/2020 16:33

    Hip se te vrava, zbrit se te vrava. Çfare uji i ke dhene gomarit? Kjo eshte politika e opozites. Sot thote pse e ke hapur, dje thoshte pse nuk e mbylle qe ne shkurt, neser si te vije situata. Te lodhur.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri