Peqin/ Sekuestrohen 300 rrënjë kanabis, tre fuoristrada pa targa e një sasi lekësh, arrestohen dy persona (VIDEO)

ELBASAN-Sekuestrohen 300 kubikë të mbjellë me fidanë kanabis, tre fuoristrada pa targa e një sasi lekësh në zonën e Pajovës në Peqin, ku kanë përfunduar në pranga 2 persona.

Klevis Deliaj, 25 vjeç, lindur dhe banues në Vlorë, i dënuar më parë për veprën penale “Armëmbajtja pa leje” dhe Shpëtim Kulla 45 vjeç, lindur dhe banues në fshatin Pajovë janë kapur në vendin e quajtur ‘’Zgabel i Madh’’, në fshatin Pajovë të Bashkisë Peqin. Kurse M. K., 31 vjeç, lindur dhe banues në Vlorë është shpallur në kërkim.

Përveç 300 kubikëve të kultivuar me fidanë kanabis janë sekuestruar edhe kubikë me pleh për të kultivuar fara kanabisi, një pajisje me helikë centrifugale me motor me depozitë karburanti në të, çadër si ato ushtarake, një sasi lekësh, tre automjete fuoristrada pa targa, në pronësi të shtetasit Sh. K. dhe pajisje shtëpiake.

Sipas policisë, materialet do t’i referohen Prokurorisë së Rrethit Gjygjësor Elbasan, për veprën penale ‘’Kultivimi i bimëve narkotike, në bashkëpunim’’.

Kryeprokurori Olsian Çela u shpreh në Komisionin e Ligjeve se kultivimi i kanabisit vazhdon të rritet në 4 qarqe të vendit, si Kruja, Vlora, Shkodra dhe Gjirokastra dhe se se mungon bashkëpunimi me Policinë e Shtetit. Nivelin e lartë të informalitetit në vendin tonë e quajti pengesë për hetimin e pastrimit të parave.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 13/05/2020 17:58

    Fat i keq i Shqiperise sone me popullsi fshatare injorantë qe iu leshua qyteteve si ortek pas 1990 duke bërë hatanë. Fshataresia duhete mbajtur në fshat e kontrolluar qe të punojë token e ta qendise!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës