POP 5

Lajmet më të lexuara të 5 minutave të fundit

Shëndeti

Për herë të parë në shtet, transplant i mëlçisë dhe pankreasit brenda vitit në Tiranë! ‘Mjekësia’ marrëveshje me 2 universitete italiane

Universiteti i Mjekësisë në Tiranë lidh marrëveshje me dy universitete italiane për të rritur kapacitetet e mjekëve në Shqipëri në realizimin e transplantit të organeve në shtet. Transplanti i mëlçisë dhe pankreasit pritet të realizohet për herë të parë në vendin tonë, ndërsa transplanti i veshkës, pritet që brenda vitit të kryhet edhe në shtet.

Shqipëria hedh hapat drejt realizimit të transplantit të mëlçisë dhe të pankreasit, për herë të parë në sistemin spitalor.  Një marrëveshje tripalëshe e firmosur në Romë mes universitetit të Mjekësisë në Tiranë, dhe dy universiteteve prestigjioze atje, pritet t’i hapë rrugë këtij synimi.

Por çfarë parashikon marrëveshja?
Report Tv mëson se me firmosjen e marrëveshjes tipalëshe, synohet që të rriten kapacitetet e mjekëve përmes bashkëpunimit mes universiteteve, në mënyrë që të realizohen transplantet edhe në Shqipëri.

Aktualisht në vendin tonë bëhet transplanti i veshkave por vetëm në spitalet private me financim 100% nga shteti.  Përmes marrëveshjes, synohet që edhe transplanti i veshkave të realizohet në shtet brenda vitit 2023, në ambientet e reja të spitalit të sëmundjeve të brendshme në QSUT.

Për transplantet e mëlçisë dhe pankreasit që pritet të realizohen për herë të parë në shtet në vendin tonë, bluzat e bardha do të shkëmbejnë përvojë me kolegët në Itali.

 “Kjo marrëveshje do të mundësojë shkëmbimet në fushën akademike dhe klinike, me përgatitjen e protokolleve në fushën e transplantit të veshkës, mëlçisë dhe pankreasit, formimin dhe fuqizimin e burimeve njerëzore, kërkimit shkencor dhe bashkëpunimit klinik, për të realizuar transplanet e organeve dhe asistencën e nevojshme për hartimin e kuadrit ligjor të nevojshëm për dhurimin”, është shprehur ministrja e Shëndetësisë, Ogerta Manastirliu.

Marrëveshja e bashkëpunimit u firmos mes Universitetit të Mjekësisë së Tiranës nga Profesor Arben Gjata dhe dy Universiteteve prestigjioze italiane Tor Vetgata në Romë dhe Universitetit "G. D'Annunzio" të Chieti-Pescara.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që ndërkombëtarët të ushtrojnë më shumë presion ndaj Serbisë?

Lajme të tjera



×

Lajmi i fundit

Ministri Hasani: Shqipëria dënon sulmin terrorist në Ankara, shërim të shpejtë të lënduarve

Ministri Hasani: Shqipëria dënon sulmin terrorist në Ankara, shërim të shpejtë të lënduarve

1 Tetor, 11:48