Përdhunimi i 15 - vjeçares nga roja/ Deputeti i opozitës së re: Të rikthehet dënimi me vdekje, pedofilët të varen në mes të qytetit! Ruçi: Nuk e zgjidh kjo (VIDEO)

Deputeti i opozitës së re, Halit Valteri ka propozuar rikthimin me vdekje për pedofilët. Në fjalën e tij në Kuvend, ai u kërkoi deputetëve që ta sanksionojnë me ligj dënimin me vdekje.

"Kemi parë një nismë që është marrë nga zonjat kolege dhe është për manifestimin në orën 16:00 për fëmijërinë e vjedhur. I bëj thirrje zotit Balla, kush është pedofil të varet në mes të qytetit, ta rikthejmë dënimin me vdekje, se këta maskarenj nuk e meritojnë të jetojnë por të zhduket nga faqja e dheut", tha Valteri.

Në përgjigje të tij, kreu i Kuvendit, Gramoz Ruçi tha se "kjo nuk është një zgjidhje". "Lidhur me atë që thatë për nënkryetaren nuk ndaj të njëjtin mendim, por është e drejta jote nëse ke vërejtje për mua apo zëvendësen, rregullorja është e qartë drejtoju institucioneve të parlamentit të marrin masa nëse e shohin të arsyeshme. Sa per ikjen nga grupi është e drejta juaj ku të futeni ku të dilni", tha Ruçi.

Lajmi kryesor:

Përdhunimi i 15-vjeçares/ Rama akuza opozitës: E ridhunuan për politikë, janë më keq se abuzuesi! Shahini: Dyfishojmë psikologët! Valteri tërhiqet nga dënimi me vdekje

B.K./Shqiptarja.com

TAG:
• edi rama
• Tirane
• Besa Shahini
• abuzimi seksual
• Sander Lleshaj
• perdhunim i se mitures
• Halit Valteri
• seanca e kuvendit 4 qershor 2020