Përdhunimi i 15-vjeçares, Boçi akuzon qeverinë për nivelin e sistemit arsimor në vend: Mbush me dallkaukë insitiucionet

Përdhunimi i 15-vjeçares, Boçi akuzon qeverinë për nivelin e sistemit arsimor në vend: Mbush me dallkaukë insitiucionet

Ish-deputeti i PD-së Luçiano Boçi

Ish-deputeti i PD-së Luçiano Boçi ka reaguar pas mbledhjes së “Aleancës së Grave Deputete”, ku Vasilika Hysi dhe Mimi Kodheli u shprehën se edhe sistemi arsimor është  fajtor për ngjarjen e përdhunimit të 15-vjeçares duke hedhur akuza të rënda për mësuesit. Ai fajëson qeverinë për vendosjen e mësuesve të papërshtatshëm në shkollë.

Ai thotë se për Vasilikën fajin e kishte “policia komunitare” që nuk lexon parrullat dhe ndoshta tek e fundit nuk di as të lexojë, se mbushja me dallkaukë e institucioneve bëhet me urdhër politik të saj dhe qeveritarëve “modernë”. 

Ndërsa për Kodhelin ai ka shtuar se një përdhunim e linçim i  tillë për figurën e mësuesit, nuk kisha dëgjuar, një urrejtje të tillë, për “ata” që rrezikojnë kështu pushtetin e tyre.
Kurse për kryeministrin Rama ai shprehet se ai flet me gjestet banale për mbrojtjen e së pambrojtshmes, duke marrë në mbrojtje dhunues me uniformë e pa uniformë dhe shumë me heshtjen e tij për rastin konkret. 

Postimi i plotë i Boçit:
Përdhunimi i nxënëses dhe “përdhunimi” i mësuesit. Ngjarja shokuese e përdhunimit të një nxënëseje 15-vjeçare nga roja i shkollës dhe bashkëmoshatarë të saj, ka tronditur mbarë opinionin. Rasti ndjek ngjarjet e tjera të Kavajës, të Fierit, të Tiranës dhe rënia e edukimit e dështimi i insitucioneve është ulëritës. Dhuna, përdhunimi, janë bërë tashmë një refren i arsimit tonë. Dhe akoma më ulëritëse janë bërë deklaratat e zinxhirit përgjegjës pushtetar për ngjarjen. Rama flet me gjestet banale për mbrojtjen e së pambrojtshmes, duke marrë në mbrojtje dhunues me uniformë e pa uniformë dhe akoma më shumë me heshtjen e tij për rastin konkret. Madje as i intereson fare. Ministrja e tij profane, bën analiza fluturake socio-filozofike, duke shmangur përgjegjësinë direkte të saj. Jo që është ajo që bashkë me paraardhësen e bashkë me Ramën, të cilët kanë degraduar deri në qelizë edukimin e arsimin! Kanë zhbjerrë vlerat, kanë instaluar të keqen e të shëmtuarën në shkollat tona, kanë rrëzuar përmbys mësuesin e kanë përdhosur misionin e tij. Shërbimi psiko-social është inekzistent, ndërsa insitucionet komunitare që merren me edukimin në bashkëpunim me prindërit në shkollë, nuk funksionojnë. Siguri nuk ka, sikurse nuk ka rregull e disiplinë qytetare. E nuk mbaron këtu “përdhunimi” i arsimit! Këto ditë duhet të dëgjosh e të durosh dhe shpikjet e deputeteve socialiste që përpiqen ta vërtisin fajin diku larg tyre, larg politikave të dështuara të Rilindjes e përgjegjësive të qeverisë për shkatërrimin e sistemit arsimor. Për Vasilikën fajin e kishte “policia komunitare” që nuk lexon parrullat dhe ndoshta tek e fundit nuk di as të lexojë, se mbushja me dallkaukë e institucioneve bëhet me urdhër politik të saj dhe qeveritarëve “modernë”.

Ndërsa për Mimin, fajin e kishin plotësisht mësueset. Pra këta mësuesit e dhunuar sistematikisht nga kjo qeverisje. Ish ministrja e mbrojtjes me siguri i ngatërroi me ushtaraket. Mësuesi ka faj tha Mimi, se lyhet, zhgërryhet, rregullon flokët e kuron paraqitjen, sepse nuk e ka mendjen tek ditari dhe nxënësi. Për Mimin mësueset duhet të ishin me muskuj, beqare të lashta, të veshura keq, sa më të egra, të shëmtuara e të zbatonin vijën përdhunuese të partisë, përndryshe ishin kot.
Madje Mimi, në nostalgji e sipër për kohët “e arta” të diktaturës, na sqaroi se para 50 vitesh kërciste telefoni nëse mungoje, a thua ti se kishin njerëzit telefona atëherë. Ndoshta e di që kishte celularë nga këto “smart” me të cilët ofrohet mësimi online i Shahinit. Një përdhunim e linçim të tillë për figurën e mësuesit, nuk e kisha dëgjuar. Një urrejtje të tillë, për “ata” që rrezikojnë kështu pushtetin e Ramës dhe Mimit nuk e kisha parë kaq bruto.  Mësuesi sot ka qindra probleme,  por ai nuk mund të akuzohet e të abuzohet për detyrat që sot i kanë ligjvënësit, ligjzbatuesit, drejtuesit e institucioneve shkollore e zinxhirit drejtues. Mësuesi nuk është “bedeli”, që sa herë zbulohet e keqja qeverisëse, të goditet e të përdhunohet sistematikisht e publikisht. Nuk është as varka, ku mund të shpëtojë karrigen e pushtetit Rama, Shahini & co. Përdhunuesit duhet të dënohen ligjërisht dhe me votë!

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Lufta në Ukrainë/ Të shtëna dhe shpërthime pranë centralit Zaporizhzhia! Moska: 15 objektiva ajrore ukrainase u rrëzuan mbi Belgorod

Lufta në Ukrainë/ Të shtëna dhe shpërthime pranë centralit Zaporizhzhia! Moska: 15 objektiva ajrore ukrainase u rrëzuan mbi Belgorod