Përdori 100 qirinj për t'i propozuar të dashurës së tij, shqiptari në Britani i vë flakën banesës! Por ajo tha 'PO'

Përdori 100 qirinj për t'i propozuar të dashurës së tij, shqiptari në Britani i vë flakën banesës! Por ajo tha 'PO'

Albert Ndreu, shqiptari që jeton në Sheffield të Britanisë së Madhe, i vendosi zjarrin banesës së tij, teksa po mundohej që t'i propozonte të dashurës së tij.

Ai kaloi dy javë duke planifikuar momentin e propozimit, pasi bleu një unazë për të dashurën e tij Valerija Madevic.

Siç shkruan "The Telegraph", 26 vjeçari kishte vendosur që ta befasonte të dashurën duke e mbushur dhomën e tyre me qirinj dhe 60 tullumbace.

Në momentin që doli për të marrë të dashurën e tij e për ta sjellë atë në shtëpi për surprizën, banesa mori flakë.

Zjarrfikësit arritën menjëherë në vendngjarje për të shuar flakët, por dhoma e tyre ishte shkatërruar nga zjarri.

Pavarësisht ngjarjes, 26 vjeçari u ul në gjunjë në mes të dhomës së djegur për t'i propozuar të dashurës që të martohej me të dhe ajo tha po.

"Valerija gjithmonë thotë se gjëja më e rëndësishme janë gjestet e vogla, por kam dashur të bëj diçka të veçantë për propozimin. Nuk shkoi ashtu si mendoja se do të ndodhte por ajo tha po, kështu që unë mendoj se dita mori një kthesë të papritur, por përfundoi pikërisht ashtu siç e doja", tha 26 vjeçari.

Fatmirësisht pjesa tjetër e banesës nuk kishte dëmtime serioze. Ata premtuan se në dasmën e tyre do të ftojnë edhe zjarrfikësit si mysafirë specialë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shijaksi: 12/08/2020 10:54

    Sa bukur...

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish ministri dhe ish kryebashkiaku i Sarandës Stefan Çipa në SPAK

Ish ministri dhe ish kryebashkiaku i Sarandës Stefan Çipa në SPAK