Jo vetëm një qendër tatuazhesh, por dhe një 'fole' e kokainës !Vihen në pranga 2 të rinjtë në Tiranë! Si e përdornin biznesin për të shpërndarë drogë (EMRAT)

TIRANË- 2 persona janë arrestuar nga blutë e kryeqytetit  pasi përdornin qendrën e tatuazheve në rrugën "Sulejman Dlevina" për të shpërndarë kokainë. Në pranga ranë Armando Behari, 23-vjeç, administratori i qendrës së tatuazheve dhe Brunald Shakaj, 33-vjeç.

Në ambientet e qendrës u gjetën dhe u sekuestruan lëndë e dyshuar narkotike kokainë, e ndarë në doza, gati për shitje.

Dy të rinjtë, njëri prej të cilëve, 33-vjeçari Shakaj kishte thyer madje dhe "Arrestin e Shtëpisë" për për veprën penale “Drejtimi i automjeteve në mënyrë të parregullt”, duke dalë jashtë banesës.

Dy të rinjtë në bashkëpunim me njëri-tjetrin shpërndanin lëndë narkotike kokainë në qendrën e tatuazheve.

Nga hetimet rezultoi se 23-vjeçari, i cili administronte një qendër e tatuazhesh, në rrugën “Sulejman Delvina”, në të cilën kryente edhe aktivitetin kriminal të shpërndarjes së lëndëve narkotike,bashkëpunonte dhe me 33-vjeçarin. Materialet i kaluan Prokurorisë, për veprime të mëtejshme procedurale.

S.C/Shqiptarja.com

TAG:
• Tirane
• kokaine
• Armando Behari
• Brunald Shakaj