Përfaqësuesi italian i OBSH: Vala e dytë epidemike do kthehet në vjeshtë. Mos u nxitoni me rihapjen

Një valë e dytë e epidemisë në vjeshtë, më shumë sesa një hipotezë është një siguri.

Deri sa të kemi një vaksinë do të ketë valë të reja epidemike. Kjo është arsyeja pse nuk duhet nxituar për të hequr izolimin dhe bllokimin. Përndryshe, atë që mund të vij në vjeshtë do ta sjellim më herët, në verë.

Kështu u shpreh Walter Ricciardi, përfaqësuesi italian i OBSH-së dhe këshilltar i Ministrit të Shëndetësisë.

"Disa lider kombëtar dhe ndërkombëtar me zgjedhjet e tyre të rrezikshme - shpjegoi Ricciardi - janë përgjegjës për efektet që do të ketë pandemia mbi popujt e tyre.

Shembulli më i habitshëm është ai i Britanisë së Madhe dhe Shteteve të Bashkuara, ku qeveritë nuk kanë dëgjuar këshilltarët shkencorë dhe kanë reaguar jashtëzakonisht vonë.  Nga ana tjetër, në vendet si Koreja e Jugut, Finlanda dhe Gjermania, ku ka një  marrëdhënie të drejtpërdrejtë midis politikës së ndjeshme dhe institucioneve që funksionojnë mirë, gjërat janë më mirë se diku tjetër.

Lajmi kryesor:

Covid-19/ Në Itali, 482 viktima dhe 2200 të shëruar në 24 orë! Rreth 155 mijë viktima në botë, Trump: Do kemi rreth 60-65 mijë vdekje

TAG:
• Koronavirus
• koronavirusi