Sot përfundon afati i konsultimit publik për projektligjin “Për faturën dhe sistemin e monitorimit të qarkullimit” ose siç është prezantuar “Fiskalizimi”. Data 15 shtator ishte faza e dytë e konsultimeve pas përfundimit të afatit zyrtar. Ministrja e Financave dhe Ekonomisë Anila Denaj dhe drejtoresha e përgjithshme e Tatimeve Delina Ibrahimaj, zhvilluan një takim me bizneset në Fier, ku kanë prezantuar ketë projektligj. Ministrja Denaj tha se synimi është ulja e informalitetit duke mos u bazuar vetëm në inspektime.
"Është një proces më i qëndrueshëm në luftën kundër informalitetit dhe nuk janë inspektimet objektivi ynë afatgjatë për të luftuar informalitetin. Objektivi kryesor është që ne këtë projekt ta kemi dhe si një parakusht për procesin e integrimit në Bashkimin Europian. Pse? Sepse sisteme të përditësuara me teknologjinë, por jo vetëm, edhe me mendësinë e analizës dhe luftës kundër informalitetit, duhet të jenë në të njëjtën mendësi që është ajo e vendeve europiane”, theksoi Denaj.
Nga ana tjetër Ibrahimaj theksoi se raportimi në kohë reale i të gjithë transaksioneve, është diferenca më e madhe që sjell ky projektligj, krahasuar me ligjin actual.
“Ndryshimi kryesor që projekti paraqet është raportimi në kohë reale i të gjithë faturave. Aktualisht bizneset që tregtojnë me konsumatorin dërgojnë pranë DPT informacion në bazë ditore të shitjeve të tyre. Nga 1 janar 2020, të dhënat nuk do të dërgohen në bazë ditore, por do të dërgohen sa herë që një shitje gjenerohet. Fatura do të dërgohet në serverin e DPT, nëpërmjet aplikacionit dhe sistemit që po ngrihet” deklaroi Ibrahimaj.
Projektligji i “Fiskalizimit” pritet të hyjë në fuqi pjesërisht në muajin janar të vitit të ardhshëm, për transaksionet biznes – konsumator. Pas instalimit të aplikacionit të ri që do të shkarkohet në cdo pajisje elektronike, pritet të rritet monitorimi i bizneseve, për të ulur kështu informalitetin dhe rritur të ardhurat. Faza e pilotimit për Fiskalizimin do të jetë në muajin tetor.
Lajme të tjera
-
Paketë e re fiskale, ulje tatimi për pagat e të rinjtë deri në 29 vjeç dhe për prindërit me fëmijë nën 18-vjeç! Mete: Mësuesit, me rritjen më të madhe të pagave
12 Prill, 14:43
-
Denaj takim me përpunuesit e qumështit dhe blegtorët; Respektimi i marrëdhënieve kontraktuale, siguron paketë mbështetëse më efikase
9 Prill, 17:57 -
Garancia shtetërore 4 mld lekë për industrisë përpunuese, mbulon 70% të kredisë, afati i shlyerjes deri në 7 vjet
9 Prill, 16:49 -
Rritet informaliteti në punësim për vitin 2023, ekspertja: Të shtohen kontrollet e gjoba! Ndërtimi përdoret për pastrim parash
1 Prill, 14:00 -
Vëzhgim i Report Tv, duhani i grirë informal shitet në rrugët e kryeqytetit, kreu i AKDC: Duhen ndryshime ligjore
1 Prill, 10:30
-
Informaliteti nuk ‘çrrënjoset’, u rrit me 9.2% vitin e kaluar! Afro 2000 punonjës u identifikuan në 2023
31 Mars, 15:33
-
9 mijë vargje nga këshilltari besnik i Ali Pashës! Raimonda Belli me ‘Një çudi në Zoo-park’! Gjimnazistja Haris Gjerasi debuton si autore! Në shqip 'Karremi i Putinit'!
31 Mars, 09:24 -
Ministri i Financave: Në qershor do rishikohet tatimi mbi pagat! Synojmë lehtësimin e tatimit për shtresat e mesme! Dhoma Amerikane: Erëra të mira për vendin, por s’mjaftojnë
26 Mars, 21:17
-
Ministri i Financave: Nga turizmi ekonomia përfitoi 4.2 mld euro vitin e kaluar
26 Mars, 17:31 -
Skemë e re për bujqësinë, ministrja Denaj: Hiqet subvencioni për grurin, s'ka më naftë falas
26 Mars, 16:31
-
Tatimi i rrogave të larta pritet të ulet në qershor! 23 mijë qytetarë me pagë mbi 200 mijë lekë! Ministria e Financave po punon për fashat e reja
25 Mars, 15:56
-
Veliaj dhe Denaj prezantojnë Skemën për Mbështetjen e Bujqësisë: Të konsumojmë produkte lokale, rrisim ekonominë vendase
22 Mars, 14:46
